【澳洲山火】爪子毛髮已癒合重新生長！以身擋火樹熊母子康復良好　將送返大自然生活

早前喺澳洲發生嘅一場數十年來最嚴重嘅山火，當中唔少棲息喺昆士蘭省山林嘅動物都有受到波及。

不過唔知大家仲記唔記得有一對為保護仔仔不惜用自己身體去擋火嘅一樹熊母子呢？！當時昆士蘭警方喺進行救援時，發現依對母子，佢哋正坐喺樹幹上，樹熊媽媽雙手緊抱仔仔以作保護。

Photo from RSPCA Queensland @FB

經過幾個月嘅治療，依對母子已經康復良好，遲啲仲將會送返大自然生活添～

據當地媒體《ABC Brisbane》報，依對樹熊母子被送到昆士蘭嘅野生自然動物醫院（RSPCA）接受治療。醫療人員Sam Longman指牠哋初時被送到醫院時，樹熊媽媽Ainslee只要察覺到仔仔Rupert感到不適哭泣時，就會即該用雙手抱住試圖安撫。

Photo from RSPCA Queensland @FB

Sam Longman表示9歲大嘅Ainslee被送院時，身上嘅燒傷情度喺十級内只達三級，醫療人員只要每天為佢補充營養同多種維他命，同餵最好嘅尤加利樹葉，就可以令佢恢復健康。

而喺Ainslee接受治療期間，12個月大喜歡四處遊蕩，又好調皮嘅Rupert亦逐漸適應醫院嘅生活。有時候佢仲會整蠱媽媽Ainslee，咬住佢嘅臉、腿，或胳膊，不過當Ainslee開始對佢咆哮時，佢就知道自己陷入麻煩，但佢哋母子嘅關係依然非常好。

Photo from Wildcare

經過醫療人員2個月嘅悉心照料，Ainslee和Rupert康復進度良好。Ainslee嘅爪子同毛髮亦已癒合並逐漸生長。

Photo from Wildcare

而根據澳洲法律，野生動物喺康復後，就必需送回佢哋原本嘅棲息地。依Ainslee及Rupert康復進度，好快佢哋就可以送返原居地喇！但係仲有一樣要擔心嘅就野外喺山火過後會變得非常乾燥，令尤加利葉嘅質量變差，對樹熊覓食造成壓力。

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）