繼取消航線及機上娛樂之後......香港航空財政又出問題　牌照局定死線改善狀況：可撤銷或暫時撤銷牌照！

繼早前香港航空宣佈自明年2月起停辦香港直航溫哥華、胡志明市、天津航線，及停止提供機上娛樂系統服務之後，今日再有壞消息傳出喇！

香港航空嘅財政狀況持續出現問題，空運牌照局有見及此今日就決定根據《空運（航空服務牌照）規例》對港航嘅財政水平附加2項新條件，要求港航必須喺限期前確保能夠注入牌照局訂定的資金，以及提升並保持其現金及視同庫存現金至牌照局訂定的合理水平。

Photo from shutterstock

如果港航未能喺限期前達成要求改善財政狀況，牌照局就有權撤銷或暫時撤銷牌照。

牌照局指港航嘅財政問題已迅速惡化至嚴重影響其履行作為僱主支付薪酬的責任，以及香港航空能夠持續及定期提供牌照下嘅航空服務嘅可能性，情況令人極度憂慮。

Photo from shutterstock

因此牌照局發言人表示，經審慎考慮香港航空當前嘅財政情況，為保障公眾利益，牌照局認為必須立即採取果斷的行動，避免香港航空的情況進一步惡化。若該航空公司未能喺限期或之前根據牌照局嘅要求改善財政狀況，牌照局將會根據《規例》第15E條，撤銷或暫時撤銷該牌照。

牌照局將於12月7日（周六）或之前公佈有關決定。

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）