download HolidaySmart 假期日常 app
冬天3大保暖法教學!頸巾點戴最保暖?暖貼痴邊度最有效果?

冬天3大保暖法教學!頸巾點戴最保暖?暖貼痴邊度最有效果?

生活熱話 健康資訊
By Jennifer on 14 Dec 2020
Digital Editor

冬天嚟喇!呢幾日氣溫下降,大家出街都要著多件衫。天氣凍咗咁多,除咗著多幾件衫、著大褸、羽絨之外,其實仲有好多保暖方法,日本有節目就公開3種冬天保暖法。

日本嘅冬天一向都好凍,而香港最近氣溫急降,保暖係非常重要。用暖包、戴頸巾等保暖方法原來係有小技巧!即睇點樣可以最有效率咁保暖~

冬天3大保暖法教學 日本節目教戴頸巾方法/貼暖包位置/冚被順序Photo from shutterstock

日本節目公開咗3種冬天保暖法,學識呢3個保暖法,冬天都可以過得暖笠笠!

1. 冚被順序

冬天3大保暖法教學 日本節目教戴頸巾方法/貼暖包位置/冚被順序Photo from 《教えてもらう前と後》

香港唔少人屋企都無暖氣,夜晚瞓覺時就要冚返張厚被。

為保暖大家都可能會毛氈、羽絨被打孖上,但究竟冚邊樣先係最暖呢?

冬天3大保暖法教學 日本節目教戴頸巾方法/貼暖包位置/冚被順序Photo from shutterstock

節目實測咗3種順序:1.毛氈冚喺羽絨被上面;2.羽絨被冚喺毛氈上面;3.毛氈鋪喺身下,再冚羽絨被。

3種冚被順序入面,第3種—毛氈鋪喺身下,再冚羽絨被係最暖,溫度同第2種先冚毛氈,再冚羽絨被嘅方法差近4度!

2. 暖貼位置

冬天3大保暖法教學 日本節目教戴頸巾方法/貼暖包位置/冚被順序Photo from 《教えてもらう前と後》

冬天除咗著多啲衫之外,喺身上痴暖貼亦都係其中一個保暖方法。

但暖貼要痴喺邊先係最保暖呢?節目同時亦實測痴喺腰同肚上,結果發現痴喺肚上面效果最好

冬天3大保暖法教學 日本節目教戴頸巾方法/貼暖包位置/冚被順序Photo from 《教えてもらう前と後》

原來腹部有一條大動脈,喺肚上面痴暖貼可以溫暖大動脈流動嘅血液,通過血液循環令身體變暖。

3. 戴頸巾方法

冬天3大保暖法教學 日本節目教戴頸巾方法/貼暖包位置/冚被順序Photo from 《教えてもらう前と後》

最常見嘅戴頸巾方法有兩種,分別係對摺頸巾,將頸巾末端穿過另一邊嘅圈,同埋喺頸上圍一圈。

節目實測指左邊嘅綁法更加保暖,因為左邊方法要對摺頸巾,比起只將一層頸巾圍喺頸上,重疊頸巾會更暖。

冬天3大保暖法教學 日本節目教戴頸巾方法/貼暖包位置/冚被順序Photo from shutterstock

大家不妨試下以上保暖方法。

資料來源:MBS《教えてもらう前と後》

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel