Asia Miles里數有效期新安排 18個月內賺取或兌換里數就會自動延長里數有效期

Asia Miles里數有效期新安排 18個月內賺取或兌換里數就會自動延長里數有效期

旅遊攻略 旅遊新聞 旅遊優惠
ByJennifer on 10 Dec 2019 Digital Editor

平時成日去旅行嘅朋友仔可能都有儲開里數,用Asia Miles換機票。

平時大家儲Asia Miles會驚唔記得咗用搞到過咗期,又或者就到期但又未儲夠換想要嘅機票,但最後都係要用咗佢,最近Asia Miles換機票有效期有新安排!

2020年新賺取嘅里數,會員只要喺18個月內有賺取或兌換里數就可以自動延長里數有效期!換句說話即係只要戶口內有加減變動就可以永續里數

【Asia Miles換機票教學2020】里數有效期新安排 可以永續里數
Photo from Asia Miles

2019年12月31日或之前賺取嘅里數有預設日期:里數將會喺入賬後嘅3~4年失效。

而2020年1月1日或之後賺取嘅里數,會員只要每18個月內進行有效交易,所有里數都可以將續期。

【Asia Miles換機票教學2020】里數有效期新安排 可以永續里數
Photo from shutterstock

所謂嘅「有效交易」,包括:賺取里數、兌換里數、達成里賞、積分轉換、里數轉贈、延續里數有效期(只適用於2019年12月31日前賺取嘅里數)、額外里數、餽贈里數。

廣告
廣告

【Asia Miles換機票教學2020】里數有效期新安排 可以永續里數
Photo from shutterstock

取消或退回里數、里數過期、候補中獎勵兌換(候補機位)都屬於無效交易。

不過要留意一點,賺取日期係計里數入賬當日而唔係活動當日。即係話就算喺里數到期日前一日進行有效交易,都未必入得切里數,所以最好留返1星期到嘅時間。

【Asia Miles換機票教學2020】里數有效期新安排 可以永續里數
Photo from Asia Miles

新安排下平時食飯book檯、拎里數換下獎勵都可以延長里數有效期,達成永續里數!

資料來源:Asia Miles

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

Share to Facebook