【麥玲玲2020生肖運程】率先預測鼠年12生肖運程：鼠、牛、虎

仲有個幾月豬年就過去喇～想知鼠年嘅運程係點？

今年小編再次搵嚟著名玄學家麥玲玲師傅話畀大家點有咩要注意嘅事，等大家可以有時間做足準備。

Photo from 麥玲玲師傅

唔講咁多，就由出年鼠年開始講喇～

Photo from shutterstock

鼠：

本命年＋犯太歲

吉星：將星、歲駕

凶星：劍鋒、伏屍、太歲

Photo from shutterstock

屬老鼠嘅朋友今年嚟到「本命年」即犯太歲嘅年份，代表變化較多，容易走向極端，中國人俗語有話：「一喜擋三災，無喜是非來」犯太歲嘅年份如果有大喜事包括：結婚、添丁、買樓等喜事沖喜...都可以視為應驗變化！如果冇嘅話，今年就要有心理準備面對突如其來嘅狀況。

幸好有歲駕星同將星拱照事業，代表事業工作上會比較順心。歲駕代表皇帝出巡，工作得到認同。而將星則代表領導才能得到發揮，如果你嘅工作係紀律部隊或管理層更為有利！

Photo from shutterstock

至於凶星，就有劍鋒、伏屍、太歲。劍鋒代表金屬受傷，揸車嘅朋友就要多加注意，或者經常接觸金屬者都要小心，最好過年之後去捐血或洗牙，主動應驗血光之災。

另外，屬鼠嘅朋友今年容易胡思亂想、焦慮不安，影響睡眠質素。今年最好都係宜靜不宜動，凡事謹慎而行則平安大吉。

Photo from shutterstock

牛：
合太歲

吉星：太陽、歲合、天乙、天空

凶星：晦氣、黃幡、板鞍

Photo from shutterstock

屬牛嘅朋友嚟到鼠年，因為同老鼠係朋友嘅關係, 原則上係會有較多新機遇嘅一年。今年有70%嘅朋友運勢會穩步上揚，但有30%朋友會反覆多變。

雖然合太歲嘅年份運勢未明，但幸好今年有太陽、天乙等貴人星拱照，就算面對重重困難，最終都可以化險為夷。

Photo from shutterstock

而凶星方面，因為有晦氣代表溝通不足、遭受埋怨，容易因為無心之失得罪他人，言行需要特別謹慎。今年仲有板鞍，則代表事業變動，令屬牛嘅朋友更添壓力。

總括嚟講，屬牛嘅朋友今年運勢較兩極，建議放輕腳步，唔好將目標訂得太高，隨緣面對則可安然度過！

Photo from shutterstock

虎：

吉星：驛馬

凶星：喪門、地喪、孤辰

Photo from shutterstock

屬虎嘅朋友經歷咗鼠年合太歲，比較動盪嘅一年，嚟到鼠年可以擺脫太歲相合嘅影響，今年會較為順遂，屬循序漸進嘅一年。

今年只有驛馬一顆吉星，顧名思義代表走動，多出門多往外走動就自然動中生財。

至於凶星方面，就有喪門同地喪，比較不利家宅，需要多留意家中長輩健康及家居或廚房嘅陷阱，避免受傷。想平穩家宅運，最好就係少少嘅裝修或換家具都係合適嘅。

Photo from shutterstock

另外，今年仲有孤辰，所謂「男忌孤辰，女忌寡宿」，今年不妨同另一半坦承相向，花多少少時間關心對方維繫感情。

總括嚟講，今年屬虎嘅朋友多出外走動係百利而無一害，謹記注意安全就可以了！

今次講住頭3個生肖先，下次繼續！

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）