download HolidaySmart 假期日常 app
【麥玲玲2020生肖運程】率先預測鼠年12生肖運程:兔、龍、蛇

【麥玲玲2020生肖運程】率先預測鼠年12生肖運程:兔、龍、蛇

時事熱話 生活熱話
By Celia on 19 Dec 2019
Digital Editor

之前麥玲玲師傅就同大家講咗鼠、牛、虎3個生肖,今次輪到各位兔、龍、蛇嘅朋友仔喇!

2020 12生肖 運程 麥玲玲Photo from 麥玲玲師傅

兔:

刑太歲

吉星:紅鸞、太陰

凶星:貫索、勾神

2020 12生肖 運程 麥玲玲

屬兔嘅朋友今年將會有輕微嘅刑剋,主要係會有瑣碎嘅麻煩阻滯,較易衝擊健康同人際關係。

今年有紅鸞星,紅鸞星代表桃花及人緣,如果有另一半嘅朋友,今年不妨可以考慮更進一步。

另外,仲有太陰星係女貴人星,如果你從事一啲同女性有關嘅行業,鼠年均可以得到客戶嘅支持,令收入有唔錯嘅進帳。

2020 12生肖 運程 麥玲玲Photo from shutterstock

不過今年要小心有貫索同勾神星,代表拖拖拉拉、糾纏不清,感情關係較為混亂,已婚者對人唔好太過熱情,以免陷入三角關係呀!

除此之外,屬兔嘅朋友今年仲要留意不宜同異性有任何金錢轇轕,如果唔係就好容易因財失義自尋煩惱。

2020 12生肖 運程 麥玲玲Photo from shutterstock_

龍:

吉星:三台、華蓋、國印

凶星:官符、五鬼、披頭

2020 12生肖 運程 麥玲玲

屬龍嘅朋友喺鼠年因為同太歲關係友好,可望憑人際關係帶嚟新合作,如果加埋有屬猴嘅朋友相助,可以更容易有成功嘅機會!

今年有三台、華蓋、國印依組有利事業嘅吉星,打工仔可望有輕微嘅升遷運。雖然今年有拱照事業嘅吉星,但惟未有大財星,所以新一年財運未必有明顯嘅進帳。

2020 12生肖 運程 麥玲玲Photo from shutterstock

凶星方面,今年就要小心有五鬼同官符星,官符顧名思義係指官非,喺文件、合約方面就要睇清楚喇!

總括而言,屬龍嘅朋友今年事業運會有上揚趨勢,但未算財源滾滾,不宜涉及高風險投資。

2020 12生肖 運程 麥玲玲Photo from shutterstock

蛇:

吉星:月德

凶星:小耗、死符

屬蛇嘅朋友經過豬年嘅麻煩阻滯之後,嚟到鼠年因為無沖無合嘅關係,運勢會較為穩定,可算係重新出發嘅一年。

今年只有月德星,依顆係一顆強而有力嘅貴人星,代表慈祥和悅、逢凶化吉。打工一族會得老闆嘅提攜,工作能力備受關注。

2020 12生肖 運程 麥玲玲Photo from shutterstock

財運方面,今年有小耗星,代表輕微破財,喺理財方面就需要格外保守,不宜作高風險嘅投機炒賣。

總言之,今年屬蛇嘅朋友整體運都會所進步,但亦唔可以鬆懈,凡事親力親為,積極把握眼前機會,則可穩步向前。

↓畀大家重溫吓之前嘅生肖:

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel