download HolidaySmart 假期日常 app
【麥玲玲2020生肖運程】率先預測鼠年12生肖運程:馬、羊、猴

【麥玲玲2020生肖運程】率先預測鼠年12生肖運程:馬、羊、猴

時事熱話 生活熱話
By Celia on 21 Dec 2019
Digital Editor

之前就同大家講咗鼠、牛、虎兔、龍、蛇依6個生肖,今次小編繼續搵嚟麥玲玲師傅同大家講鼠年12生肖運程,大家準備好寫低要注意咩未呀!?

2020 12生肖 運程 麥玲玲Photo from 麥玲玲師傅

馬:

沖太歲

吉星:

凶星:歲破、欄干、大耗

2020 12生肖 運程 麥玲玲Photo from shutterstock

屬馬嘅朋友今年無吉星照住,再加上沖太歲,今年可能有較多變化,走動較多。

正所謂「太歲當頭坐,無喜必有禍」,有喜事如結婚、添丁、買樓沖喜當然係最好喇!但如果無,就要提防事業、財運、感情同人際關係各方面都會容易有變化,要謹慎面對。

2020 12生肖 運程 麥玲玲Photo from shutterstock

另外,今年財運方面有大耗星,容易大破財,所以今年並唔係短炒買賣嘅好時機,若有現金不妨置業或買一啲比較保值嘅實物。

總而言之,今年屬馬嘅朋友可多出門或主動離開原居地工作,多出外走走,以動中生財嘅方式應驗運勢,凡事小心,則可平安大吉。

2020 12生肖 運程 麥玲玲Photo from shutterstock

羊:

害太歲

吉星:紫微、龍德、玉堂

凶星:暴敗、地解、天厄、六害

屬羊嘅朋友嚟到鼠年屬輕微犯太歲。依個叫害太歲,害即是陷害、遭人中傷嘅意思。尤其事業上會有零星嘅麻煩阻滯,就算一件簡單嘅事都會容易橫生枝節。

幸好,今年有紫微同龍德兩顆強而有力嘅吉星照住,可憑人脈獲得助力。加上仲有玉堂星,新一年無論事業定財運都會有所誰步,只要堅持最終都可迎刃而解!

2020 12生肖 運程 麥玲玲Photo from shutterstock

至於凶星,就要留意今年有暴敗,代表財運上落差較大,容易出現「三更窮,五更富」嘅情況,屬羊嘅朋友最好都係預留一筆應急錢,以備不時之需。

另外,仲有六害要小心小人當道,所謂「明槍易擋,暗箭難防」,新一年都係事不關己盡量畀小啲意見,以免因無心之失得罪人呀!

2020 12生肖 運程 麥玲玲Photo from shutterstock

猴:

吉星:祿勛

凶星:指背、白虎、飛廉、大煞

屬猴嘅朋友經歷豬年害太歲,嚟到鼠年無沖無合,原則上運勢較為穩定,加上係「三合生肖」,代表可以互補長短、事半功倍。

今年吉星唔多,只有一顆「祿勛」照住,打工一族事業會有所進步,特別係從事文職或管理層可以積極表現自己,可有望升職加薪機會。

2020 12生肖 運程 麥玲玲Photo from shutterstock

不過要小心有指背星,代表是非口舌,容易喺言語上得罪他人,所以今年真係同自己無關嘅事,盡量就唔好給意見,以免好心做壞事。

另外,仲有白虎,即指容易遇上性格強悍、無理取鬧嘅女性。感情運屬關卡重重,較難開展嘅一年,不宜期望太高呀!

最後3個下次再講喇~

↓重溫前6個生肖:

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel