14歲狗狗離世 骨灰製成琉璃珠 愛犬化身琉璃珠守護主人

今年6月，台灣一位網友嘅14歲愛犬離世，佢於是將狗狗骨灰交俾朋友製成琉璃珠。琉璃珠製成後，竟然有個狗狗嘅樣喺上面。主人見到愛犬現身琉璃珠，都忍唔住崩潰大哭。

Photo from 野狼&狐狸&小綿羊

主人野狼&狐狸&小綿羊一隻14歲嘅哈士狗「少爺」今年6月離世，少爺對主人嚟講係好特別嘅存在，因為少爺陪伴咗主人一家14年，大家都好唔捨得佢。

Photo from 野狼&狐狸&小綿羊

所以主人就決定將少爺嘅骨灰製成琉璃珠，希望可以紀念少爺。點知琉璃珠製成後，珠上竟有一個狗狗嘅樣，主人仲話覺得好似少爺望佢嘅眼神。

Photo from 野狼&狐狸&小綿羊

主人又提到10年前同寵物溝通師傾過，溝通師話俾主人聽佢呢世都會受到少爺嘅保護，當時主人都唔信。但當佢見到琉璃珠，佢就覺得「他還在我身邊那樣的存在！」，令主人崩潰大喊。

Photo from 野狼&狐狸&小綿羊

雖然骨灰琉璃有啲爭議，但呢個故事真係好感人！

Photo from 野狼&狐狸&小綿羊

主人又希望透過呢篇文章同大家講：「我們家非常珍惜每個來到我們身邊的生命，生前牠在我身邊嬌生慣養一輩子了，沒有理由往生後要流浪在外風吹雨淋的！肉體不在了，但愛會超脫生命的限制，轉生永恆！祝福大家事事順心」。

Photo from 野狼&狐狸&小綿羊

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）