download HolidaySmart 假期日常 app
Lonely Christmas 5大餐廳合集!其實自己一個更開心 聖誕獨食無有怕!

Lonely Christmas 5大餐廳合集!其實自己一個更開心 聖誕獨食無有怕!

美食推介
By Jennifer on 05 Nov 2020
Digital Editor

聖誕節食聖誕大餐是常識吧!不過就唔係人人聖誕都一大班人一齊出去食大餐嘅....

Lonely Christmas又唔想食得hea?小編推薦5大獨食餐廳,一個人又有咩好怕喎!

1. 船渦(1人蒸氣鍋)

近年流行蒸氣鍋,有各種海鮮之餘,仲可以食埋粥底。不過蒸氣鍋向來分量都好大,一個人好難食得晒。

但中意食海鮮嘅朋友仔,位於銅鑼灣嘅「船渦」推出咗一人蒸氣火鍋,最平$188就食到七款海鮮,包括蟹、黃金蚌、蝦、鮮魚片、白蜆、鮑魚同大蜆,另外仲有美國肥牛添!

「船渦」推出咗一人蒸氣火鍋,最平$188就食到七款海鮮,包括蟹、黃金蚌、蝦、鮮魚片、白蜆、鮑魚同大蜆,另外仲有美國肥牛添!Photo from 船渦

其他貴啲嘅套餐仲有龍蝦、海膽、元貝等,餐廳以拉簾分隔座位,唔驚尷尬!!

餐廳以拉簾分隔座位,唔驚尷尬!!Photo from 船渦

船渦

地址:銅鑼灣謝斐道500號維安商業大廈3樓

2. Magic Touch(迴轉壽司)

一人個食飯食迴轉壽司係唔錯嘅選擇,可以按自己嘅胃口逐碟嗌,咁就唔怕叫太多食唔晒喇!

一人個食飯食迴轉壽司係唔錯嘅選擇,可以按自己嘅胃口逐碟嗌,咁就唔怕太多食唔晒喇!Photo from Magic Touch

而呢間餐廳會以新幹線高速列車將你嗌嘅壽司送上,自己一個食飯都唔會悶~

餐廳會以新幹線高速列車將你嗌嘅壽司送上Photo from Magic Touch

Magic Touch

荃灣分店地址:荃灣眾安街55號大鴻輝(荃灣)中心1樓1-03號舖

天水圍分店地址:天水圍天華路33號T Town North 2樓NG201及202號舖

3. 一蘭 (拉麵)

講到1個人食嘅餐廳梗係要提一蘭喇!「自閉位」簡直係為獨食人士度身訂做!

「自閉位」簡直係為獨食人士度身訂做!Photo from 天然豚骨拉麵專門店 一蘭

難得聖誕節,大家可以食豪啲,例如加個半熟鹽煮蛋同抹茶杏仁豆腐。

大家可以食豪啲,例如加個半熟鹽煮蛋Photo from 天然豚骨拉麵專門店 一蘭

天然豚骨拉麵專門店 一蘭Photo from 天然豚骨拉麵專門店 一蘭

天然豚骨拉麵專門店 一蘭

銅鑼灣分店地址:銅鑼灣謝斐道440號駱克大廈A座地下H及I舖

尖沙咀分店地址:尖沙咀棉登徑8號地庫B舖及地下入口大堂

4. 翔壽司(立食壽司)

呢間立食壽司店小編之前都有介紹過,由廚師發辦嘅Omakase,除咗有新鮮刺身之外,仲有丼飯!

5. 8鍋臭臭鍋(一人火鍋)

冬天打邊爐就最啱!一人火銅都有好多間,主打台式火鍋嘅「8鍋臭臭鍋」就係其中之一。

一人火銅都有好多間,主打台式火鍋嘅「8鍋臭臭鍋」就係其中之一。Photo from 8鍋臭臭鍋

中意食臭豆腐嘅推薦招牌臭臭鍋,就算唔食臭豆腐,都仲有其他湯底包括芝士牛奶鍋、藥膳羊肉鍋、沙茶牛肉鍋等,選擇豐富!

其他湯底包括芝士牛奶鍋、藥膳羊肉鍋、沙茶牛肉鍋等Photo from 8鍋臭臭鍋

8鍋臭臭鍋

尖沙咀分店地址:尖沙咀金巴利道77號號地鋪

銅鑼灣分店地址:銅鑼灣謝斐道440號地下E鋪

所謂「獨食難肥」,自己一個食飯都係一件好事,Lonely Christmas又有咩好怕喎!

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel