日本交通攻略~一文睇曬日本主要交通同Pass!除咗JR仲有好多唔同鐵路!

日本交通攻略~一文睇曬日本主要交通同Pass!除咗JR仲有好多唔同鐵路!

日本旅遊 關西 關東
ByHeidi on 24 Dec 2019 Digital Editor

旅假又係時候返鄉下(日本)啦~但日本交通出名複雜,買邊張Pass最好?一齊嚟睇下呢個日本自由行必備交通攻略!只要了解到日本基本鐵路概念,知道唔同鐵路之間嘅異同,就可以輕鬆Plan行程啦!

旅假又係時候返鄉下(日本)啦~但日本交通出名複雜,買邊張Pass最好?一齊嚟睇下呢個日本自由行必備交通攻略!
Photo from Shutterstock

1. 日本全國 - JR
JR可謂最核心、著名嘅日本鐵路,單單計JR路線已超過30條。JR集團依地區劃分成6間公司,包括「JR北海道」、「JR東日本」、「JR西日本」、「JR東海」、「JR四國」以及「JR九州」,唔同路線之間都係互相接駁嘅,所以如果想跨越兩個或以上大城市咁玩,JR PASS絕對係必備啊!

所以如果想跨越兩個或以上大城市咁玩,JR PASS絕對係必備啊!
Photo from PressLogic

JR PASS 日本鐵路周遊券
JR PASS可以話係日本旅行必備,因為真係可以慳到唔少錢㗎!而且JR PASS可用於乘搭新幹線,所以絕對要買張旁身啦!

JR PASS可以話係日本旅行必備,因為真係可以慳到唔少錢㗎!
Photo from PressLogic

JR PASS分別有7日、14日、21日以上3種類型,大家可依據自己行程選擇,如果想橫跨2大城市(如東京-大阪),可選擇7日PASS;橫跨3個區域(如北海道-東北-東京),可選擇14日PASS;如果想日本全國遊走,就可以買21日PASS啦!

JR PASS分別有7日、14日、21日以上3種類型
Photo from PressLogic

有興趣嘅朋友可以到官方了解售票地方、售價及詳細資料。
JR PASS官方網站:http://www.japanrailpass.net/zh/index.html

2. 東京市內交通 - 東京Metro、都營地下鐵
東京市內地鐵主要由東京Metro及都營地下鐵營運。東京Metro共9條路線,包括銀座線G、丸之内線M、日比谷線H、東西線T、千代田線C、有樂町線Y、半藏門線Z、南北線N及副都心線。而都營地下鐵共4條路線,包括淺草線A、三田線I、新宿線S、大江户線E。

東京市內地鐵主要由東京Metro及都營地下鐵營運
Photo from PressLogic

計畫東京一日內行程時,除咗可以留意點與點之間嘅距離外,仲可以留意車站係咪由同一公司營運,咁絕對可以慳唔少錢㗎!

東京市內地鐵主要由東京Metro及都營地下鐵營運
Photo from PressLogic

東京Metro地鐵1日、2日、3日通券
而另一個慳錢方法係購買Metro地鐵通券,將要乘搭東京Metro所到景點集中於連續1-3日內,假如買3日通券,咁就可以連續3日無限次使用通券乘搭Metro地鐵啦!

廣告
廣告

另一個慳錢方法係購買Metro地鐵通券
Photo from 東京地鐵網站

而且通券係由首次拍卡時間開始計24、48、72小時內,所以即使夜晚先首次次用通券拍卡,都唔會蝕咗時間㗎!

而且通券係由首次拍卡時間開始計24、48、72小時內
Photo from 東京地鐵網站

東京Metro官方網站:https://www.tokyometro.jp/tcn/index.html

3. 大阪、京都、奈良
大阪周遊券1日、2日券
大阪市內交通非常方便,目前共有9條鐵路,而如果大家想更慳錢又方便,就可以購買大阪周遊券!周遊券可以乘搭地鐵、巴士、私鐵外,仲可以免費參觀及使用28個大阪市內景點、設施,當中包括通天閣、四天王寺、天守閣等等,仲要唔同嘅店舖優惠添!

大阪市內交通非常方便,目前共有9條鐵路
Photo from PressLogic

JR關西周遊券(快速火車)
JR關西周遊券可選擇1日、2日、3日或4日,可用於JR當地原有路線,以及關空特急列車"HARUKA"主要運行區間,無限次乘坐,行程緊密又中意周圍遊嘅朋友就啱曬啦!

JR關西周遊券可選擇1日、2日、3日或4日
Photo from Klook

關西周遊券(普通火車)
關西周遊券嘅價錢比JR關西周遊券便宜,但速度當然會慢啲啦!

4. 北海道
北海道市內軌道交通就只有JR線,並無新幹線線路嘅,所以買JR PASS便可以乘搭北海道嘅所有鐵路以及部分北海道巴士啦!

北海道市內軌道交通就只有JR線
Photo from Klook

【日本交通攻略2020 】自由行必備交通指南 有邊張Pass係必買?
Photo from Shutterstock

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

Share to Facebook