7-Eleven美食新登場！必試HelloKitty北海道牛乳包、日台小食甜品

相信好多人都同小編一樣，早餐、下午茶想食得好但又無時間準備，總有一間喺左近嘅7-Eleven就成為懶人醫肚救星啦！最近7-Eleven推出多款特色美食，由早餐必備嘅包點三文治，到日台知名嘅街頭小食、甜品通通皆有，真係搞到小編選擇困難症發作呀！一齊睇下有咩美食：

2大早餐包點推介！

Hello Kitty 3.7 北海道牛乳包‧花生朱古力醬 ($15)

7-Eleven自家品牌同SANRIO再度合作， 推出呢款期間限定嘅7-SIGNATURE x Hello Kitty 3.7 北海道牛乳包。每片麵包都有超可愛嘅大頭Kitty，叫人少女心大發！

Photo from 7-Eleven

加上麵包採用北海道 3.7 牛乳同日本麵粉，以日式烘焙技術而成，入口鬆軟同有香濃牛奶味。 最貼心嘅係隨包裝附送便攜裝花生醬同朱古力醬，方便自製成混醬夾包，更加滋味！

Photo from 7-Eleven

7-SIGNATURE 濃厚滑蛋火腿芝士三文治 ($20)

7-Eleven三文治一向都選擇多多，新口味7-SIGNATURE濃厚滑蛋火腿芝士三文治，方包鬆軟，更加入日本直送滑蛋， 配火腿及芝士，滑嘟嘟又香濃！仲要大大份，做早餐夠晒飽肚！小編送多個溫馨提示，食之前放入微波爐叮一叮，暖笠笠就更加正啦！

Photo from 7-Eleven

驚喜必食！2大日台人氣街頭小食

7-SIGNATURE 台式大腸麵線 ($18)

今次7-Eleven新出台式大腸麵線認真驚喜，用料亦還原正宗味道！麵線夠幼細，配埋軟嫩滷大腸同加入烏醋增加鮮味，唔駛飛去台灣，都食到台灣夜市風味！

Photo from 7-Eleven

7-SIGNATURE 朱古力忌廉夾心鯛魚燒 ($13)

除咗台式小食，東京人氣小食鯛魚燒都登陸7-Eleven！鯛魚燒係以比利時朱古力醬同忌廉為夾心，香濃軟滑。燒餅則由高質麵粉、砂糖同小蘇打製成，口感非常鬆軟，下午茶食返件夠晒醒神！

Photo from 7-Eleven

Photo from 7-Eleven

甜品追加：京都禮萬焦糖脆脆雞蛋布丁波波 ($13)

甜品控未夠喉？咁就要試埋7-Eleven呢款日本直送、獨家發售嘅京都禮萬焦糖脆脆雞蛋布丁波波！佢其實係雞蛋布丁配上焦糖脆脆，融合滑同脆兩大口感，布丁夠嫩滑，仲帶濃濃蛋香味！實在令人太幸福呀！

Photo from 7-Eleven

睇見都流晒口水呢？即刻去各大7-Eleven入手以上人氣美食，為你嘅早餐同下午茶注入更多能量啦！！

Presented by 7-Eleven