沖廁唔冚廁所板細菌可濺至6米遠 令牙刷毛巾細菌暴增1千萬倍

今朝有消息指屯門醫院接收一宗懷疑肺炎個案，患者曾到過武漢，現正入住隔離病房。

香港大學發表嘅研究指有超過4成受訪者沖廁唔蓋上廁板，令細菌傳播，增加感染病毒風險。

內地武漢近日接收27宗不明原因肺炎，其中7個患者情況嚴重。消息傳出後人人自危。

Photo from shutterstock

今朝又有消息流傳指屯門醫院接收一宗懷疑肺炎個案，患者早前從武漢返港。屯門區議員何國豪引述屯門醫院護士稱的確接收咗個案。

Photo from shutterstock

Photo from 何國豪 Facebook

喺全球化影響下，病毒傳播速度非常快，做好個人衛生相當重要。「香港市民廁所衞生習慣」研究發現，有4成4受訪者如廁後唔會冚廁所板沖廁。

港大感染及傳染病中心總監何栢良指呢個壞習慣會增加感染病菌風險。

有好多受訪者認為廁所板好污糟，所以唔願意掂。但如廁後嘅排泄物有機會依附喺廁板上，可能會帶有金黃葡萄球菌、沙門氏菌、大腸桿菌等。

Photo from shutterstock

之前英國有研究發現，唔冚廁所板沖廁，沖廁時濺出嘅水花會將廁所內嘅細菌噴出，最遠可飛濺到6米外，依附喺廁紙、牙刷、毛巾等地方。

廁所嘅空間狹窄，時間越長積聚嘅細菌越多，會令感染病毒嘅風險增加。

Photo from shutterstock

他建議自備紙巾去廁所，並用濕紙巾、酒精等消毒廁所板，如廁後要先冚廁板沖廁，減低接觸病菌嘅機會，同埋要用梘液洗手。

大家做好個人衛生，感染風險就會減低！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）