關閉道路都冇用！靚景小鎮Hallstatt遊客過多嚴重影響居民生活　鎮長懇求：請唔好再嚟喇！

有「世界最美小鎮」之稱嘅奧地利小鎮Hallstatt，近年因為其自然景觀優美，加上又係迪士尼人氣電影《Frozen》嘅靈感來源地，自然成為大家嘅打卡勝地。

Hallstatt因為擁有著湖泊美景同世界上最古老嘅鹽礦，又於1997年被聯合國教科文組織列為世界文化遺產，而成為旅遊熱點。

Photo from HolidaySmart

不過正正大家都紛紛前往當地，因而令當地引來嚴重嘅觀光災難。

Photo from HolidaySmart

據外媒《People》報導，現時Hallstatt每日到訪人次高達1萬，對人口只有800人嘅小鎮嚟講絕對不勝負荷，嚴重影響當地居民嘅生活。

Photo from shutterstock

有當地咖啡店老闆接受訪問時指佢媽媽曾一覺醒來之後，發現房間竟有中國遊客存在。

另外，亦有居民則指因為遊客增加，令當地嘅小店/超市紛紛變成手信店，令一啲年老嘅居民難以購買日用品及新鮮食物。

Photo from shutterstock

有見及此，Hallstatt嘅鎮長Alexander Scheutz知道佢儘管希望可以減少至少3分1嘅遊客人數，但實際上並難以實行。因為即使已經關閉道路、發聲明希望遊客遠離小鎮，遊客依舊從四方八而擁入，令鎮長非常頭痛！

Photo from shutterstock

所以Alexander只好向遊客懇求唔好再到訪小鎮，破壞當地居民原有嘅生活。

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）