武漢不明肺炎病原體經內地專家初步判定為新型冠狀病毒

武漢不明肺炎病原體經內地專家初步判定為新型冠狀病毒

時事熱話 生活熱話 健康資訊
ByJennifer on 09 Jan 2020 Digital Editor

武漢不明肺炎呈報懷疑個案數量每日上升,令市民人心惶惶,不惜搶購口罩

今日內地中央電視台引述內地專家組指不明肺炎病原體初步判定為新型冠狀病毒。

中央電視台指喺星期二時,檢出一種新型冠狀病毒,並且發現有15宗病例對新型冠狀病毒呈陽性,從其中1位呈陽性嘅病人樣本中分離出嘅病毒,喺電子顯微鏡下呈現典型嘅冠狀病毒形態。

中央電視台指喺星期二時,檢出一種新型冠狀病毒
Photo from shutterstock

當局日前已經排除不明肺炎為傳染性非典型肺炎沙士(SARS)同中東呼吸綜合症(MERS)。

世界衛生組織(WHO)亦曾喺星期三指武漢疫情可能係由新型冠狀病毒引起。又引述中國當局指新型冠狀病毒唔易人傳人。

中國當局指新型冠狀病毒唔易人傳人。
Photo from shutterstock

廣告
廣告

截至現時為止,發現嘅人類冠狀病毒一共有6種,其中4種較為常見,但引起嘅疾病唔太嚴重,一般同普通感冒相似,症狀輕微。

而另外兩種:SARS同MERS,嚴重嘅可導致死亡,引起今次疫情嘅新型冠狀病毒同現時發現嘅人類冠狀病毒都唔同。

人類冠狀病毒一共有6種,其中4種較為常見,但引起嘅疾病唔太嚴重,一般同普通感冒相似,症狀輕微。
Photo from shutterstock

新華社引述中國疾控中心傳染病所所長徐建國院士指佢帶領嘅專家組已獲得引起今次不明肺炎嘅新型冠狀病毒嘅全基因組序列。

一般嚟講,對一種新發現嘅病毒進行藥物同疫苗嘅研究,可能需要幾年時間先完成到。

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

Share to Facebook