菲律賓火山爆發 火山灰高達15公里 需疏散約8000人 馬尼拉國際機場航班停飛

菲律賓火山爆發 火山灰高達15公里 需疏散約8000人 馬尼拉國際機場航班停飛

旅遊情報 旅遊新聞
ByJenniferon13 Jan 2020Digital Editor

菲律賓嘅塔阿爾火山(Taal)星期日爆發,噴出大量火山灰,當地政府擔心會有劇烈噴發,疏散幾千名居民,馬尼拉國際機場航班亦緊急停飛。

塔阿爾火山(Taal Volcano)位於呂宋島,距離首都馬尼拉約65公里。

自1572年有記錄以來,塔阿爾火山曾發生33次火山爆發,其中1911年嘅噴發更導致1335人死亡。
Photo from 美聯社

塔阿爾火山係菲律賓第二活躍嘅火山,亦係世界上最矮嘅活火山,自1572年有記錄以嚟,塔阿爾火山曾發生33次火山爆發,其中1911年嘅噴發更導致1335人死亡。

塔阿爾火山係菲律賓第二活躍嘅火山,亦係世界上最矮嘅活火山
Photo from 路透社

上年3月起塔阿爾火山已開始有異動,到今年1月12號下晝開始噴發,噴出10至15公里火山灰,更噴出少量熔岩。

菲律賓火山地震研究所將火山警戒級別從3級提升至4級(最高級別為5級),表示未來幾日可能會有大規模危險爆發。

菲律賓火山地震研究所將火山警戒級別從3級提升至4級(最高級別為5級),表示未來幾日可能會有危險爆發。
Photo from 美聯社

當局疏散8000名附近居民,未來幾日將要疏散約30萬人。有住喺火山附近居民指當地一直發生地震,空氣又有大量火山灰。

當局疏散8000名附近居民,未來幾日將要疏散約30萬人
Photo from 美聯社

住喺火山附近居民指當地一直發生地震,空氣又有大量火山灰。
Photo from 美聯社

當局呼籲居民要留喺室內,戴上面罩眼罩以免吸入火山灰。11個城市嘅學校星期一停課。

馬尼拉阿基諾國際機場(NAIA)亦宣布受火山爆發影響,機場已經暫停所有往來航班升降,而根據香港機場管理局網頁,今日來往本港同馬尼拉嘅航班取消。

馬尼拉阿基諾國際機場(NAIA)亦宣布受火山爆發影響,機場已經暫停所有往來航班升降
Photo from Ninoy Aquino International Airport (NAIA)

大家可上機管局查詢航班狀況。

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

Share to Facebook