download HolidaySmart 假期日常 app
澳洲大火令樹熊死傷慘重 或列為瀕危物種 民眾提議將樹熊遷至新西蘭安置

澳洲大火令樹熊死傷慘重 或列為瀕危物種 民眾提議將樹熊遷至新西蘭安置

時事熱話 生活熱話
By Jennifer on 14 Jan 2020
Digital Editor

澳洲山火重創當地嘅野生動物棲息地,其中樹熊更傷亡慘重,至今已有3成樹熊於火海中喪生。

澳洲政府警告,樹熊可能好快就會正式列入「瀕臨絕種」物種清單。

多月嘅大火令大量樹熊死亡,亦有好多樹熊受傷。新南威爾斯洲同南澳袋鼠島上嘅樹熊族群幾乎被全滅。

新南威爾斯洲同南澳袋鼠島上嘅樹熊族群幾乎被全滅。Photo from shutterstock

澳洲政府指呢場史無前例嘅大火可能會令「瀕危物種科學委員會」(Threatened Species Scientific Committee)將樹熊列入「瀕臨絕種」物種。

其實樹熊喺2012年已被列為易危物種,但最近嘅大火又再度威脅樹熊族群嘅生存空間。

樹熊喺2012年已被列為易危物種Photo from Australian Koala Foundation

大量樹熊棲息地遭大火燒毀,令樹熊面對食物、水源短缺問題。澳洲政府宣布撥款5000萬澳幣(約港幣2.7億元),用作野生動植物保育計畫。

澳洲環境部長Sussan Ley承諾會將部分撥款用於保育樹熊,並將採取一切措施盡快恢復樹熊嘅棲息地。

澳洲政府宣布撥款5000萬澳幣(約港幣2.7億元),用作野生動植物保育計畫Photo from Pinterest

而澳洲民眾就喺網上聯署提議將樹熊遷移至新西蘭,當地已栽種近3萬公頃尤加利樹(桉樹),希望可以幫助樹熊繁殖,有約7,500加入聯署。

民眾就喺網上聯署提議將樹熊遷移至新西蘭Photo from Pinterest

不過澳洲政府指當務之急應該係盡快控制火勢,等樹熊可以返返原來棲息地生活。

澳洲政府警告,樹熊可能好快就會正式列入「瀕臨絕種」物種清單。Photo from Australian Koala Foundation

幸而有好消息指澳洲氣象局(BOM)預測,部分火場下星期可能會有50毫米降雨,有助控制火災情況。

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel