澳洲山火最大火場終於受控 下周或將降雨緩和肆虐幾個月嘅山火

澳洲山火最大火場終於受控 下周或將降雨緩和肆虐幾個月嘅山火

社會熱話 生活熱話
ByJenniferon15 Jan 2020Digital Editor

澳洲消防員近日宣布,面積最大嘅「超級大火」(Megablaze)終於受到控制。

氣象局預測潮濕天氣即將嚟臨,下周或會有大雨,令肆虐幾個月嘅山火終於獲得緩和機會。

根據法新社報導,位於悉尼西北部郊區戈斯伯斯山(Gospers Mountain)嘅「超級大火」已經蔓延3個月。

位於悉尼西北部郊區戈斯伯斯山(Gospers Mountain)嘅「超級大火」已經蔓延3個月。
Photo from Pinterest

火場面積係倫敦都會區(Greater London)嘅3倍!加上周圍相連嘅其他大火,焚燒總面積足足達80萬公頃,仲大過奧地利。

新南威爾斯州鄉村消防局(RFS)局長Shane Fitzsimmons指佢哋喺呢場同「超級大火」嘅戰鬥中終於佔上風,目前仲有「一啲小區域嘅火勢仍未撲熄」,但對於遏制火勢延燒非常有希望。

火場面積係倫敦都會區(Greater London)嘅3倍!
Photo from NASA

新南威爾斯州鄉村消防局(RFS)局長Shane Fitzsimmons指佢哋喺呢場同「超級大火」嘅戰鬥中終於佔上風
Photo from Pinterest

全國仍有幾十個火場山火仍未撲滅,至今已導致十億隻動物葬身火海,對生態環境造成災難性影響。

澳洲氣象局(BOM)預測,下星期部分火場地區可能會下50毫米嘅大雨,有望緩解大火長期乾旱嘅情況。

澳洲氣象局(BOM)預測,下星期部分火場地區可能會下50毫米嘅大雨
Photo from shutterstock

新南威爾斯鄉村消防局形容,如果天氣預報準確:「好似一次過收到聖誕節、生日、結婚、周年紀念日同畢業禮物咁。」

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

Share to Facebook