黃子華賀歲片《乜代宗師》預售成績佳 有食店包場買哂148個位

黃子華賀歲片《乜代宗師》預售成績佳 有食店包場買哂148個位

電影電視 生活熱話 娛樂諸事丁
ByJenniferon17 Jan 2020Digital Editor

新年又到,今年嘅賀歲片中最受關注嘅就係子華神嘅《乜代宗師》喇!

日前公開咗農夫主唱嘅主題曲,子華神更開金口rap埋一份!

《乜代宗師》下星期四(1月23號)上映,不過1月22號嘅優先場已經開始預售。

今年嘅賀歲片中最受關注嘅就係子華神嘅《乜代宗師》喇!
Photo from 《乜代宗師》

預售反應非常唔錯,百老匯院線喺觀塘、尖沙咀嘅戲院下晝7點40分嘅優先場戲飛都賣出咗近9成。

黃子華賀歲片《乜代宗師》預售反應佳
Photo from 百老匯院線

百老匯院線喺觀塘、尖沙咀嘅戲院下晝7點40分嘅優先場戲飛都賣出咗近9成
Photo from 百老匯院線

UA Cinemas 位於旺角嘅戲院下晝7點半嘅優先場戲飛只淨返頭兩排同少量單丁位。

UA Cinemas 位於旺角嘅戲院黃子華嘅《乜代宗師》下晝7點半嘅優先場戲飛只淨返頭兩排同少量單丁位
Photo from UA Cinemas

電影上映前,有指《乜代宗師》於深圳取景,受到部分網民質疑係合拍片。

子華神親自拍片澄清新戲唔係合拍片,而佢為咗拍一套俾香港人睇嘅戲甚至賣咗層樓。子華拍片剖白得到網民支持,紛紛號召買飛入場「懲罰」子華神。

有黃店更包場支持:「之前應𠄘大家既100張飛都要找數,尋日過左對面新寶戲院買飛,點知未有得買...打比院線,搵哂經理,等左2046秒後,終於買到」佢指為支持《乜代宗師》同埋想坐隔離嘅都係同路人所以買埋淨底48個位,一共148張飛派俾大家。

黃店光榮冰室更包場買哂148個位支持黃子華賀歲片《乜代宗師》
Photo from 光榮冰室

《乜代宗師》由黃子華自編自導自演,佢上一套自編自導自演嘅《一蚊雞保鑣》票房成績不佳,更令佢有「票房毒藥」嘅稱號。

黃子華上一套自編自導自演嘅《一蚊雞保鑣》票房成績不佳,更令佢有「票房毒藥」嘅稱號。
Photo from 黃子華 - 子華本部

子華神真係好有heart!

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

Share to Facebook