《黃金有罪》飾演舞小姐莫莉莉 選美冠軍劉芷希入行3年首獲重要角色

現時正在熱播嘅無綫劇集《黃金有罪》，由張兆輝、蕭正楠、洪永城、姚子羚、陳瀅等人主演，劇情主要圍繞80年代嘅股票行同夜總會。劇中除咗有大家熟悉嘅臉孔外，飾演舞小姐莫莉莉嘅劉芷希亦非常搶鏡，原來今次係佢第入行以嚟第一次飾演戲份較重嘅角色，現實世界嘅佢原來仲係選美冠軍添！

講起無綫電視劇《黃金有罪》，入面有部分劇情都係圍繞住菲林明夜總會，飾演舞小姐嘅34歲劉芷希原來係馬來西亞人，喺昆士蘭大學讀食品科學及營養系。

Photo from Instagram

原來劉芷希喺2012年曾經參選《中華小姐環球大賽》奪得亞軍、「完美體態小姐」同「最高貴氣質小姐」三項殊榮，2017年再去到香港參加《香港珠寶小姐》奪冠，起初同模特兒公司簽約，但係因拖糧問題而選擇離開，同年年底加入無綫。

Photo from Instagram

加入無綫後，劉芷希都有參演過唔少劇集，好似《愛·回家之開心速遞》、《十二傳說》同《特技人》，不過全部都係飾演閒角。而《黃金有罪》嘅莫莉莉係佢第一個固定角色，仲有唔少戲份添！劉芷希透露過希望可以藉住今次呢個機會獲得觀眾認同。

Photo from Instagram

Photo from Instagram