【新年好去處2020】10大打卡商場：角落生物/KUROMI/日清杯麵/可口可樂/米奇老鼠

By Cynthia Wong on 20 Jan 2020

Digital Editor

新年就到喇！今個新年如果想留港消費的話，點少得去商場打卡呢～小編為大家整理了新年有可愛得意特別裝飾的商場，如果有鐘意的角色或活動，記得把握機會去玩/影相喇～

今年 The One 將會有角落生物裝飾，貓「Neko」同粉圓「Tapioca」著上得意鼠年服裝，仲有白熊「Shirokuma」，都會以舞獅同達摩造型亮相，新年原來都可以好可愛！

Photo from Presslogic

除此之外，仲有兩款和風設計角落小夥伴幸福滿載利是封，利是封一套8個，共兩款，儲定拜年時候用都好啊！大家只需於2020年1月11日至1月24日期間，在The ONE消費滿HK$500(每組有效單據最多可換領共2套)或以The ONE Club會員憑1,500積分，即可免費換領。(先到先得，換完即止)！

Photo from Presslogic

一樓仲會有期間限定店，可以買到好多精品，唔好錯過喇～～

Photo from Presslogic

The ONE x Sumikkogurashi™ 角落小夥伴™－角落新春派對
日期：2020年1月11日至2月16日
地點：尖沙咀The ONE UG2中庭及地下露天廣場

2. Kuromi - 置富 Malls

Kuromi 與好友首次以全新薰衣草色造型登場，齊齊換上賀年新裝跟大家拜年，仲會推出限量版「Kuromi金玉滿堂利是封」，一共有兩款共8個，全新形象的Kuromi配上熨金壓花紋，有喜慶的感覺又唔會太老套。

Photo from Holiday Smart

兩款利是封最吸睛的地方是封口設計特別用上Kuromi的招牌笑容配合可愛的舞獅造型，為利是封增添趣味；當大家拆利是時，隱藏的Kuromi朋友更會鬼馬現身，送上豐富的金元寶，加上利是封的正面與背面各有不同的設計圖案，雙重祝福！

Photo from Holiday Smart

Photo from 置富

Photo from Holiday Smart

想去搵Kuromi，可以去馬鞍山廣場、+WOO嘉湖、紅磡置富都會同沙田置富第一城，齊齊同Kuromi過年啦～

Photo from 置富

置富 Malls「Kuromi金玉滿堂利是封」換領詳情
日期：2020年1月11日起
時間：中午12時開始
凡於置富Malls以下指定單一商場*內任何2間商店累積消費滿HK$800，即可換領Kuromi金玉滿堂利是封。
(包括HK$600或以上的電子貨幣 # (易辦事、信用卡、銀聯卡、八達通及手機支付)／機印消費單據 △ )
*指定商場包括：
# +WOO嘉湖、置富第一城、置富都會、馬鞍山廣場、都會駅
△ 麗港城商場、麗城薈、華都大道、映灣薈、銀禧薈、荃薈

3. 蛋黃哥 - MegaBox

得意可愛嘅蛋黃哥變身23呎超高大型賀年裝置現身，仲會以全港首個10呎高巨型充氣招財貓造型登場添，變身招財貓嘅蛋黃哥真係好可愛啊！8 大造型分別有超萌鏡餅造型的梳乎蛋頭頂著蜜柑，祝福大家家庭圓滿、13呎高梳乎蛋太鼓，同埋不同大小嘅趣緻達摩造型梳乎蛋。場內仲會有聚寶金蛋造型嘅8呎高手搖抽獎機轉出「梳乎金蛋」及幸運金幣。而櫻花竹林庭園內，蛋黃哥就以石像造型於許願池裝置亮相，而蛋黃哥同蛋黃兒仲首度登上戀占石上，加上巨型心型花環及充滿浪漫氣息的閃亮櫻花，又靚又浪漫啊！

Photo from Presslogic

除此之外，仲會有新春期間限定店，有多款 GUDETAMA 得意新春精品、文具及公仔等以供選擇～

Photo from Presslogic

日期：2020年1月8日至2月23日
地點：L5 中庭

MegaBox・GUDETAMA 新春期間限定店
日期：2020年1月8日至2月9日
時間：11:00am - 9:00pm
地點：G 中庭

4.Lego - 朗豪坊

LEGO 人仔將變身為12生肖，於旺角跟大家賽跑！今次在旺角商場中庭，築起了一個超大的賽跑場地，讓一眾生肖比賽，各位都要落場與一眾生肖打氣，順便玩玩小遊戲，與大家過年。

旺角朗豪坊由即日起至2月9日，舉行《朗豪坊 x LEGO® 十二生肖「喜」勢跑》，多個LEGO®人仔將以各個生肖造型現身，由4樓「喜」勢玩到上12樓，每層都可以見到得意LEGO造型！今次，大家可以看到場內佈置，是LEGO推出的「80105新年廟會」1:25放大版，是大家打卡好去處。同場更有LEGO限定店，大家可以買賀年版LEGO歸家。

Photo from presslogic

今次場中有3個小遊戲，首先大家要喚醒沉睡中的小豬，在30秒內砌出搖鼓，再不停按檯上的按鈕，令小豬睡醒。第二個遊戲，就是要在1分鐘內，在4.5米長的河流上跨過或躍過河上的障礙物。至於第三個小遊戲，就是在多塊牆上，尋找鼠的踪影！

Photo from presslogic

另外仲有隱藏版的農曆新年禮遇—樂高® 開運桃花，只限朗豪坊LP CLUB會員獨家換領，限量只有一千個！另外朗豪坊亦特地為鼠年推出「福鼠Say Cheese利是封禮盒」，LP CLUB會員於場內即日消費滿 HK$2,500 (最多三張即日電子消費單據，每張單據消費最少HK$100)，即可免費換領「福鼠Say Cheese利是封禮盒」乙套(包括12個利是封及精美芝士手工皂1塊)

Photo from presslogic

Photo from LEGO

《朗豪坊XLEGO® 十二生肖「喜」勢跑》及期間限定店
地址：旺角朗豪坊4樓通天廣場
日期：2020年1月8日起至2月9日
時間：上午11時至晚上10時

5. Sanrio 市集 - 銅鑼灣

《Sanrio characters新春市集》由即日起至1月24日進駐希慎廣場，一眾Sanrio好友將一樓中庭打造成氣氛熱鬧的市集，讓大家一站式辦年貨，大家記得去行下啦！

新春市集的12個攤位有好多都係Sanrio角色公仔，各款Sanrio角色造型美食、蛋糕及賀年食品一應俱全，當中包括送禮一流的Sanrio characters 賀年曲奇餅禮盒、驚喜的Hello Kitty/Little Twin Stars新春福袋及Pompompurin布甸燒等等，另外Sanrio characters的應節揮春和賀年裝飾更是人氣產品！

Photo from PRESSLOGIC

除此之外，今次新春市集更特設HK$1賀年禮遇，由即日起每日下午3時至7時，以至抵優惠價HK$1即掃指定Sanrio characters拖鞋、頸枕、曲奇，以及更多品牌的精選禮品，包括PIN的曲奇吊飾禮盒、ENOTECA的香醇紅酒、Sweet Fashion House手造朱古力等等，好多Sanrio精品都只係HK$1，好抵啊！

Photo from PRESSLOGIC

買完嘢之後記得要去打卡影相！5大Sanrio characters限定打卡點超可愛，包括造型充氣Hello Kitty、菲菲拱門及許願大鼓、大吉拱門及幸運牌坊，利舞臺仲有個Melody甜蜜花園，而利園二期都有pompurin吉星高照賀年全盒添～

Photo from PRESSLOGIC

《福氣滿載迎新春》詳情：
日期：2020年1月10日至2月23日
時間：上午10時至晚上10時
地點：希慎廣場1樓中庭及4樓、利園二期2樓

《Sanrio characters新春市集》詳情：
日期：2020年1月10至24日
時間：上午10時至晚上10時#
地點：希慎廣場1樓中庭

「迎春接福利是封」換領詳情：
日期：2020年1月10至24日
時間：上午11時至晚上10時30分
地點：希慎廣場/利園一期/利舞臺禮賓部
換領方法：凡於利園區消費滿指定金額，即可獲得一套8個的「迎春接福利是封」。數量有限，送完即止

鼠年最有代表性的人物當然是米奇啦！今年銅鑼灣就有米奇造型醒獅表演，更與本地品牌合作設立期間限定店，推出多樣限量米奇精品和家用用品，更有由本土家用品牌紅A設計和製作的巨型iconic「紅燈罩」造型椅子，供大家新年打卡！

6. 米奇老鼠 - Fashion Walk
鼠年當然要見見米奇啦！不過不用去到迪士尼那麼遠，在市中心一樣可以。銅鑼灣Fashion Walk與迪士尼合作，邀請了姜氏金龍醒獅團以Mickey版醒獅助慶，在指定日期，於商場內將有醒獅表演。姜氏金龍醒獅團更設計了兩個Mickey版舞獅獅頭，分別以有著「大吉」深意的鮮橙色和喻意著「金銀滿屋」的「銀」白和橙色作為主色調，利是封上更印有Mickey醒獅的鬍子換上米奇的腳仔，非常好可愛。除了醒獅表演外，今次Fashion Walk與本土家用品牌紅A、打潮流街頭服飾的INCREDIBLE合作，齊齊開設限定店。於限定店內，大家可以購入多款限量米奇用品，包括微波爐用飯煲、杯子、有蓋碗、皂盒、隔油湯壺等。另外想買精品的朋友，也可以去到Mickey期間限定店，購入多款迪士尼精品。

Photo from presslogic

鼠年點少得打卡位呢？除了大家可以跟米奇造型醒獅自拍外，在百德新街，有由本土家用品牌紅A設計和製作的巨型iconic「紅燈罩」造型椅子。同時在食街，亦有Mickey巨型新春裝置，Mickey被小風車圍繞著，更有超多個紅A燈罩，成為打卡熱點！

Photo from presslogic

《Mick”theHolidaysBright》新春企劃
日期：2020年1月10日至2020年2月16日
地點：銅鑼灣Fashion Walk
《Mick”theHolidaysBright》期間限定店
日期：2020年1月10日至2020年2月16日
地點：銅鑼灣Fashion Walk 1 樓

醒獅表演
日期：1月18日及1月24日
時間：2：30pm 及4：30pm

7. 可口可樂 - 太古城中心

今個新年太古城中心有好多可口可樂啊！商場於2020年1月10日至2月19日與Coca-Cola®攜手打造「紅運豐收」主題活動，大玩五大互動遊戲收集當紅開運符號，仲可以自製可樂樽身貼紙添！一入去就會見到巨型可口可樂，走進奇趣的Coca-Cola®倒轉客廳，電視機、梳化、新年全盒及雪櫃通通顛倒出現！只需於大鼓上打鼓達指定次數，至型燈箱即會亮起，個個健康爆燈，有「汽」有力！仲要於「運財多Weal-th」主題遊戲2米高巨型透明Coca-Cola®罐內施展渾身解數，於限時內捉齊四處飄揚的開運揮春。集齊五個開運符號之餘，記得到場內3幅以超過15,000罐Coca-Cola®砌成的超巨型主題牆打咭。

Photo from Presslogic

只需於場內商戶或攤位內自動販賣機購買500毫升樽裝Coca-Cola®，即可參與「人人可樂符」活動親手設計樽身貼紙，於現場拍攝個人照，再加上所選的喜慶圖案，就可以印製個人化Coca-Cola®樽身貼紙。

Photo from Presslogic

於2019年1月10日至24日消費HK$1,200至HK$4,999，就可以換到Cityplaza x Coca-Cola®「迎春滿祝」利是封兩套。另外仲有環保揮春工作坊，可以將鋁罐變賀詞！

Photo from Presslogic

日期：2020年1月10日至2月19日
時間：星期一至五 12nn - 9pm、星期六、日及公眾假期 11am - 9:30pm
地點：太古城中心二樓中庭及中橋

8. 日清杯麵 - 屯門市廣場

不少人都喜愛吃杯麵，但弄一個屬於自己的杯麵你又試過未？今年新年，屯門市廣場聯乘日清食品舉行「瀛春接福溫泉町」，現場有多個清仔一家的打卡位，例如大家可以在日式榻榻米上與清仔一家食麵，檯上的麵和餃子像真度超高，是打卡的好時機。另外，更有清仔和清妹，在風呂和掛滿燈籠的地方，與大家打卡！最正是出前一丁的烏冬系列將會放大，令大家變成小矮人，在麵中間位影相！

Photo from presslogic

最大賣點一定是即場自製合味麵杯麵（2020年1月18日開始），日清將杯麵製作工廠搬到去現場，大家可以在杯身畫上自己心儀的圖案，然後在4款調味粉和8款配料中挑選，在透明的工廠下，看到屬於自己的杯麵誕生！只要以港幣$50或S＋會員以15點數即可參加工作坊！

Photo from presslogic

除此之外，現場更有小遊戲，例如「鼠鼠聲拉麵店」，挑戰大家吃麵??聲功力，或是彩虹樂！玩完遊戲後記得去到出前一丁期間限定店，包括日清最新食品和限量300套鼠年出前一丁福袋套裝，記得要早點去買啦！

Photo from presslogic

瀛春接福溫泉町
日期：2020年1月10日至2月16日
地點：屯門市廣場一期
時間：上午10時至晚上10時

9. 打卡燈飾 - 荃灣廣場
2020年新年除咗可以去各大商場打卡影相之外，荃灣都有個好去處！荃灣廣場有個【福氣滿滿福滿園】，入面有好多超靚嘅燈飾畀你打卡影相，情侶去影超浪漫啊！

荃灣廣場5樓平台花園有由20,000個「福」字組成的幻彩福字步道、由 188個圓球造成的桃花樹坐鎮嘅福氣滿滿桃花園，呢幾個都係必去嘅打卡位，推薦大家入夜之後再去，燈飾會影得更靚！

Photo from Presslogic

呢個打卡位由1月9日至2月16日期間開放，分別有超過13米長、20,000個「福」字組成、由8款顏色打造的「幻彩福字步道」，仲有好多漫天七彩「福」字形成一道七色彩虹，把祝福如花瓣般悄悄地落在你和摯愛身上；再以玩味感十足的「大吉大利全盒」為你送上甜甜蜜蜜的祝福；最後，定必走到「福氣滿滿桃花園」內，在人氣爆燈、由 188個圓球砌成的粉紅桃花許願樹下許下你2020年的願望，記得同另一半去喇～

Photo from Presslogic

日期： 2020年1月9日至2月16日
時間：星期一至五上午10時30分至晚上10時；星期六、日及公眾假期上午9時至晚上10時
地點：荃灣廣場L5太空樂園

10. 迪士尼期間限定店 - 家樂坊

新年要辦年貨，除咗傳統禮盒之外，如果你係迪士尼fans的話，一定要去旺角迪士尼期間限定店行下啊！旺角家樂坊以「霓光Mickey主題城鎮」為主題，將迪士尼期間限定店化身成中式禮盒，出售超過2,000件迪士尼精品，有好多都係新品啊！精品有Mickey & Minnie、Chip & Dale 、 Mickey & friends，除咗有新春精品之外，仲有文具、家品等等，好易掃到唔停手！

Photo from Presslogic

除此之外，期間限定店更於1月18、19、23、24日推出3款限量迪士尼新春福袋，包括HK$88(價值$140)、HK$188(價值$310)及HK$288(價值$560)，每日每款限量20個，超抵入手啊！

Photo from Presslogic

《Mick the Holidays Bright》期間限定店
日期：即日至2月16日
地點：旺角家樂坊

其他活動：

除此之外，仲有好多新年精彩活動，包括：

最大一站式家居商場HomeSquare

【HomeSquare如意滿桃百花庭】
日期：即日起至2月8日
時間：上午11時至下午9時
地點：沙田HomeSquare L1中庭

上水廣場呈獻《幸福．花見》

上水廣場《幸福‧花見》
日期：2020年1月18日 (六) 至2月29日 (六)
時間：9am – 10pm
地點：上水廣場2樓中庭 (上水港鐵站A4出口)

Photo from 上水廣場

LYCHEE & FRIENDS Gallery @ LCX

LYCHEE & FRIENDS 銷售點
1. LCX Xplus (期間限定至2020年2月)
地址: 尖沙咀海港城3樓LCX 20C
2. MONOS (期間限定至2020年2月)
地址: 尖沙咀The ONE L321
3. The Barn
地址: 荔枝角長順街15號D2 Place TWO 2樓201-204舖

昂坪360 X We Bare Bears 熊來運到360

日期：2020年1月16日至2月23日
時間：星期一至五：上午10時至下午6時
周末及公眾假期：上午9時至下午6時30分
地點：昂坪市集

昂坪 360 限時半價優惠來回纜車票詳情
價錢：$235（原價$470）二人同行昂坪 360 來回纜車票(標準車廂)
購買點：HKTVmall（https://bit.ly/2NpT3Ys）
購買日期：由即日至 2020 年 1 月 24 日
有效日期：由即日至 2020 年 2 月 29 日（星期六、日、公眾假期及農曆新年適用）