【新年大掃除】 啲衫洗極仲有噏味  5大貼士洗出香噴噴衣物 善用梳打粉/白醋

【新年大掃除】 啲衫洗極仲有噏味 5大貼士洗出香噴噴衣物 善用梳打粉/白醋

生活熱話 健康資訊
Byevitaon21 Jan 2020Digital Editor

正所謂「年廿八,洗邋遢。」每逢農曆新年,大家都會打掃家居,清理垃圾。不過相信以下呢個地方大家必定最易忽視,講緊嘅就係你屋企部洗衣機啊!

有無發現,即使你落足洗衣粉同洗衣液,衣服洗出嚟都有陣嗡味,感覺非常唔討好。想唔好臭崩崩去拜年,就要留意以下5大可以洗出香噴噴衫嘅方法喇!

首先就要幫洗衣機進行大清洗。

有無發現,即使你落足洗衣粉同洗衣液,衣服洗出嚟都有陣嗡味,感覺非常唔討好
Photo from shutterstock

1. 善用梳打粉

梳打粉帶有弱鹼性嘅「碳酸氫鈉」,對於除臭同清潔非常有效。梳打粉可以防止水中物質,例如鈣同鎂離子積存喺洗衣槽,形成萬年污垢。

用法:大家可以先將熱水放滿洗衣糟,加入100克左右份量嘅梳打粉,利用洗衣機清洗功能攪動5分鐘,之後等佢浸泡約1個鐘,放晒啲水再重新注滿清水洗一次即可。(最好每2至3個月清洗一次)

梳打粉帶有弱鹼性嘅「碳酸氫鈉」,對於除臭同清潔非常有效。
Photo from shutterstock

2. 用白醋消毒洗衣機

白醋有天然嘅殺菌功能,可以將洗衣槽入面陳年細菌消除。

用法:完成方法1後,可以再將洗衣機放滿熱水,再倒入一支約300毫升嘅白醋,攪動幾分鐘再浸泡1個鐘,重新注入清水洗一次就得喇。

去到洗衫嘅步驟,其實嗡味嘅源頭好多時都係因為衣物潮濕發霉,細菌留喺到不斷滋生而形成。

白醋有天然嘅殺菌功能,可以將洗衣槽入面陳年細菌消除。
Photo from shutterstock

3. 衣物要分類

質地較厚(如大褸、牛仔褲),係唔可以同質地柔軟(T恤、冷衫)一齊洗,否則前者洗得唔乾淨,後者則會洗到變形。

有鋼圈嘅胸圍,記得要用洗衣袋或者同其他衣物分開,否則就會容明破爛。當然,最好就用手洗貼身衣物啦!

質地較厚(如大褸、牛仔褲),係唔可以同質地柔軟(T恤、冷衫)一齊洗
Photo from shutterstock

4. 慎選洗衣產品

基本上每個家庭洗衫時都會落洗衣粉同洗衣液,不過要注意洗衣粉有強刺激性,容易殘留喺衣物上。一般柔軟衣物其實用洗衣液就得㗎喇!

基本上每個家庭洗衫時都會落洗衣粉同洗衣液
Photo from shutterstock

5. 晾乾洗衣筒

好多人慣咗洗完衫就閂埋洗衣機,但其實入面仲係非常潮濕,令洗衣筒易發霉,所以大家要記得等待洗衣筒乾晒先好閂門啊。

好多人慣咗洗完衫就閂埋洗衣機
Photo from shutterstock

Share to Facebook