繼山火水浸之後!網球咁大粒?澳洲坎培拉慘被大型冰雹侵襲 大量雀鳥受傷車輛被毀

繼山火水浸之後!網球咁大粒?澳洲坎培拉慘被大型冰雹侵襲 大量雀鳥受傷車輛被毀

旅遊情報 旅遊新聞 社會熱話 生活熱話
ByCeliaon21 Jan 2020Digital Editor

澳洲焚燒多月嘅山火喺當地時間1月16日迎來多場暴雨,令最大火場火勢終於受控,但就因為連場暴雨,黃金海岸、布里斯本等地卻因為暴風雨而水浸。

但原來仲未完,繼山火水浸之後,今日再有當時報導指,於澳洲時間19日,喺澳洲新南威爾斯州及坎培拉一帶被大型冰雹侵襲,造成不少房屋、車輛損毀同居民受傷,真係一波未平一波又起呀!

澳洲 坎培拉 冰雹 天災
Photo from Aust Plant Phenomics

據當地傳媒報道,自當地時間1月19日起澳洲氣象局錄得多宗冰雹報告,喺新南威爾斯州及坎培拉約下午1時起多處出現大型冰雹暴。

唔少市民見到都不忘拍片及相片上傳Twitter,從相中可見如網球大小嘅冰雹不斷從天而降,十足十暴雨一樣。

停泊喺街上嘅車輛被擊毀,路邊樹木被砸中倒下,國會大樓外亦好似蓋上一層白色。

澳洲 坎培拉 冰雹 天災
Photo from Australian Parliament House

另外,當地緊急服務部門指現時已接獲逾1,200宗求助個案,其中兩人受傷。及獸醫接收咗唔少因今次天災而受傷雀鳥。

澳洲政府表示,冰雹及暴雨可能為近月火災地區帶來新一波嘅危機,雨水令灰燼土壤沖出馬路,除咗減低道路磨擦力影響行車安全後,亦可能流入河流影響生態。

天佑澳洲!

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

Share to Facebook