放新年假最新煲劇清單!中日韓台港歐美好劇齊集 全部已完結! 愛情/懸疑/職場/奇幻

放新年假最新煲劇清單!中日韓台港歐美好劇齊集 全部已完結! 愛情/懸疑/職場/奇幻

電視電影 生活熱話
ByJennifer on 22 Jan 2020 Digital Editor

又放長假喇!無人約喺屋企做咩好?煲劇就最好不過喇!幾日假期轉眼就過。

小編為大家介紹亞洲、歐美嘅好劇,全部都已播完,唔怕追劇追得辛苦!

1. 大陸劇《致我們暖暖的小時光》

集數:24集

致我們暖暖的小時光故事講述物理系學霸同普通女孩嘅愛情故事
Photo from 致我們暖暖的小時光

《致我們暖暖的小時光》係《致我們單純的小美好》嘅姐妹篇,係一套甜甜嘅愛情劇。

故事講述物理系學霸同普通女孩嘅愛情故事,由大學到出嚟做嘢到結婚,好鬼青春。故事最引人入勝係學霸男主角為咗追女主角搞出唔少笑話,好可愛!

睇完套劇之後都好想談一場甜甜的戀愛呀!

《致我們暖暖的小時光》係《致我們單純的小美好》嘅姐妹篇,係一套甜甜嘅愛情劇。
Photo from 致我們暖暖的小時光

2. 日劇《我要準時下班》

集數:10集

吉高由里子主演,佢飾演嘅女主角堅持每日準時收工。因此比任何人都追求工作效率,重視自己嘅私人時間。
Photo from 我要準時下班

打工仔睇超有共鳴!由吉高由里子主演,佢飾演嘅女主角堅持每日準時收工。因此比任何人都追求工作效率,重視自己嘅私人時間。

做社畜加班一啲都唔罕見,套劇完全係打工仔嘅血淚史。

睇女主角點樣面對日本嘅病態職場,各位打工仔應該會睇到好有共鳴好爽~

睇女主角點樣面對日本嘅病態職場,各位打工仔應該會睇到好有共鳴好爽~
Photo from 我要準時下班

3. 韓劇《SKY Castle》

集數:20集

《SKY Castle/天空之城》講述韓國上流社會5位女性幫助丈夫事業同培養仔女嘅故事。每個家庭都有唔同問題同情況。
Photo from SKY Castle

喺有線台播出,但收視高達22.3%。引起韓國嘅全民追劇潮。

故事講述韓國上流社會5位女性幫助丈夫事業同培養仔女嘅故事。每個家庭都有唔同問題同情況。

劇集刻劃韓國社會父母為咗培養仔女可以入到SKY 3間韓國著名大學 (韓國首爾大學Seoul National University、高麗大學Korea University、延世大學 Yonsei University)扭曲嘅心態,同為此做出各種極端行為。

廣告
廣告

劇情高潮迭起,值得一睇!

劇集刻劃韓國社會父母為咗培養仔女可以入到SKY 3間韓國著名大學 (韓國首爾大學Seoul National University、高麗大學Korea University、延世大學 Yonsei University)扭曲嘅心態
Photo from SKY Castle

4. 台劇《我們與惡的距離》

集數:10集

我們與惡的距離講述無差別殺人事件發生後,以加害者、加害者家屬、被害人家屬、辯護律師、精神疾病患者等唔同嘅案件持份者角度切入嘅故事
Photo from 我們與惡的距離

題材獨特,講述無差別殺人事件發生後,以加害者、加害者家屬、被害人家屬、辯護律師、精神疾病患者等唔同嘅案件持份者角度切入嘅故事,探討當今社會議題。

賈靜雯演技出色,並憑呢套戲喺第54屆金鐘獎勇奪「戲劇節目女主角獎」,《我們與惡的距離》喺金鐘獎一共攞咗6個獎,於IMDb上獲得9.3分,可見套劇究竟有幾出色。

賈靜雯演技出色,並憑呢套戲喺第54屆金鐘獎勇奪「戲劇節目女主角獎」
Photo from 我們與惡的距離

5. Netflix 《The Society》

集數:10集

The Society講述當地一間高中嘅學生出去參加校外活動途中,因為某啲原因提前折返,點知返到去發現鎮上所有大人都唔見晒。
Photo from The Society

呢套劇啱晒中意睇懸疑劇嘅朋友仔!故事講述當地一間高中嘅學生出去參加校外活動途中,因為某啲原因提前折返,點知返到去發現鎮上所有大人都唔見晒。

唔止被樹林擋住出外嘅道路,所有通訊都全部中斷。一班高中生為咗生存一方面要搞清楚發生咩事,另一方面要搵到「返屋企」嘅辦法。

高中生喺沒大人嘅情況下建構自己嘅「新社會」,亦都反映咗當今社會嘅一啲現象。

高中生喺沒大人嘅情況下建構自己嘅「新社會」,亦都反映咗當今社會嘅一啲現象
Photo from The Society

6. 港劇《黑市

集數:20集

黑市有唔少靈異、奇幻元素,不過比起鬼,故事想帶出更多係人性嘅陰暗面
Photo from 黑市

小編之前都有介紹過,有唔少靈異、奇幻元素,不過比起鬼,故事想帶出更多係人性嘅陰暗面。

港劇都唔錯㗎!

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

Share to Facebook