【麥玲玲鼠年運程】一文睇晒!2020年12生肖運程預測

【麥玲玲鼠年運程】一文睇晒!2020年12生肖運程預測

社會熱話 生活熱話
ByCeliaon24 Jan 2020Digital Editor

今日係大年初一,唔少人中會特別留意自己新一年嘅運程,有咩要特別注意!

今次就整合咗著名玄學家麥玲玲師傅嘅12生肖運程預測畀大家!等大家新一年都可以事事順利~

12生肖 新年2020 麥玲玲 鼠年運程
Photo from 麥玲玲

12生肖 新年2020 麥玲玲 鼠年運程
Photo from Disney

鼠:
屬老鼠嘅朋友今年嚟到「本命年」即犯太歲嘅年份,代表變化較多,容易走向極端,中國人俗語有話:「一喜擋三災,無喜是非來」犯太歲嘅年份如果有大喜事包括:結婚、添丁、買樓等喜事沖喜...都可以視為應驗變化!如果冇嘅話,今年就要有心理準備面對突如其來嘅狀況。

今年最好都係宜靜不宜動,凡事謹慎而行則平安大吉。

12生肖 新年2020 麥玲玲 鼠年運程
Photo from shutterstock

牛:
屬牛嘅朋友嚟到鼠年,因為同老鼠係朋友嘅關係, 原則上係會有較多新機遇嘅一年。今年有70%嘅朋友運勢會穩步上揚,但有30%朋友會反覆多變。

雖然合太歲嘅年份運勢未明,但幸好今年有太陽、天乙等貴人星拱照,就算面對重重困難,最終都可以化險為夷。

12生肖 新年2020 麥玲玲 鼠年運程
Photo from shutterstock

虎:
屬虎嘅朋友經歷咗鼠年合太歲,比較動盪嘅一年,嚟到鼠年可以擺脫太歲相合嘅影響,今年會較為順遂,屬循序漸進嘅一年。

屬虎嘅朋友多出外走動係百利而無一害,謹記注意安全就可以了!

12生肖 新年2020 麥玲玲 鼠年運程

兔:
屬兔嘅朋友今年將會有輕微嘅刑剋,主要係會有瑣碎嘅麻煩阻滯,較易衝擊健康同人際關係。

今年有紅鸞星,紅鸞星代表桃花及人緣,如果有另一半嘅朋友,今年不妨可以考慮更進一步。不過今年要小心有貫索同勾神星,代表拖拖拉拉、糾纏不清,感情關係較為混亂,已婚者對人唔好太過熱情,以免陷入三角關係呀!

12生肖 新年2020 麥玲玲 鼠年運程
Photo from shutterstock

龍:
屬龍嘅朋友喺鼠年因為同太歲關係友好,可望憑人際關係帶嚟新合作,如果加埋有屬猴嘅朋友相助,可以更容易有成功嘅機會!今年事業運會有上揚趨勢,但未算財源滾滾,不宜涉及高風險投資。

12生肖 新年2020 麥玲玲 鼠年運程
Photo from shutterstock

蛇:
屬蛇嘅朋友經過豬年嘅麻煩阻滯之後,嚟到鼠年因為無沖無合嘅關係,運勢會較為穩定,可算係重新出發嘅一年。整體運都會所進步,但亦唔可以鬆懈,凡事親力親為,積極把握眼前機會,則可穩步向前。

12生肖 新年2020 麥玲玲 鼠年運程
Photo from shutterstock

馬:
屬馬嘅朋友今年無吉星照住,再加上沖太歲,今年可能有較多變化,走動較多。正所謂「太歲當頭坐,無喜必有禍」,有喜事如結婚、添丁、買樓沖喜當然係最好喇!但如果無,就要提防事業、財運、感情同人際關係各方面都會容易有變化,要謹慎面對。

今年可多出門或主動離開原居地工作,多出外走走,以動中生財嘅方式應驗運勢,凡事小心,則可平安大吉。

12生肖 新年2020 麥玲玲 鼠年運程
Photo from shutterstock

羊:
屬羊嘅朋友嚟到鼠年屬輕微犯太歲。依個叫害太歲,害即是陷害、遭人中傷嘅意思。尤其事業上會有零星嘅麻煩阻滯,就算一件簡單嘅事都會容易橫生枝節。

12生肖 新年2020 麥玲玲 鼠年運程
Photo from shutterstock

猴:
屬猴嘅朋友經歷豬年害太歲,嚟到鼠年無沖無合,原則上運勢較為穩定,加上係「三合生肖」,代表可以互補長短、事半功倍。

12生肖 新年2020 麥玲玲 鼠年運程
Photo from Disney

雞:
屬雞嘅朋友今年破太歲,意即破壞、破敗之意,人際關係會受到衝擊,工作上會遇上麻煩阻滯,屬「多勞少得」嘅一年。今年凡事需要適可而止,盡量作息定時,心態上不宜將目標訂得太高,當作係為未來鋪路輕鬆度過則萬事大吉。

12生肖 新年2020 麥玲玲 鼠年運程
Photo from shutterstock

狗:
屬狗嘅朋友嚟到鼠年理論上係會較為穩定,但因為今年只有天解一顆吉星,代表要經歷波折先可以成功。今年做人處事盡量低調,凡事親力親為堅守本份,默默耕耘過後將可雨過天晴。

12生肖 新年2020 麥玲玲 鼠年運程
Photo from shutterstock

豬:
屬豬嘅朋友經歷咗豬年犯本命年,好多事都有變化。嚟到鼠年終於好啲喇!今年屬重新出發,站穩陣腳嘅年份。

詳細版重溫:
鼠、牛、虎
兔、龍、蛇
馬、羊、猴
雞、狗、豬

最後都要同大家講句風水命理嘅嘢絕非精密科學,信則有不信則無!最後嘅最後祝大家新一年身體健康、生活愉快、心想事成!

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

Share to Facebook