download HolidaySmart 假期日常 app
【武漢肺炎】恐慌?武漢封城切斷所有交通出入境  市內現搶購潮菜價飊升幾倍 1KG蒜苗賣逾90蚊人民幣

【武漢肺炎】恐慌?武漢封城切斷所有交通出入境  市內現搶購潮菜價飊升幾倍 1KG蒜苗賣逾90蚊人民幣

旅遊攻略 旅遊新聞 時事熱話 生活熱話
By Celia on 23 Jan 2020
Digital Editor

武漢新型冠狀病毒疫情持續擴散,截至尋日喺香港同澳門已出現兩個確診個案。

大陸更增至571人確診,遍布24個省市及自治區,死亡人數累計17人,其中重症95宗;江蘇及黑龍江亦出現當地首宗確診病例。

而喺病毒嘅源頭武漢,疫情防控指揮部就喺尋晚宣佈今早10點起封城,全市公交、地鐵、渡輪、長途客運暫停營運,市民冇特殊原因唔可以離開武漢。

武漢封城 肺炎 冠狀病毒Photo from 溪山梵唱@微博

機場、火車站離開武漢通道亦會暫時關閉,直至另行通知。

武漢封城 肺炎 冠狀病毒Photo from 武漢發佈@微博

據「武漢市新型冠狀病毒感染的肺炎疫情防控指揮部」消息:「為全力做好新型冠狀病毒感染的肺炎疫情防控工作,有效切斷病毒傳播途徑,堅決遏制疫情蔓延勢頭,確保人民群眾生命安全和身體健康,現將有關事項通告如下:自2020年1月23日10時起,武漢市城市公交、地鐵、輪渡、長途客運暫停運營;無特殊原因,市民不要離開武漢,機場、火車站離漢通道暫時關閉。恢復時間另行通告。

「封城」消息一出,當地不少人連夜趕至火車站買票,甚至有出現發燒病徵嘅市民,亦喺微博炫耀同朋友食退燒藥後,成功開車逃往其他城市或出國。

武漢封城 肺炎 冠狀病毒Photo from shutterstock

喺「死線」生效前「武漢鐵路」就喺官方微博公佈,昨日喺高鐵武漢站、漢口站、武昌站一共有29.96萬人搭車,單計武漢就已有近10萬旅客離開。

當然亦有人為阻隔病毒再傳播而留喺當地,但喺佢哋為未來幾日出門採購時發現菜價已飊升幾倍,唔少貨架已被清空。

武漢封城 肺炎 冠狀病毒Photo from 依佩Sylvie@微博

武漢封城 肺炎 冠狀病毒Photo from 周游世界的橙子@微博

有網友就將買到嘅蔬菜拍照上傳,從相中可見一個大白菜就要賣逾30蚊人民幣、一包1KG左右嘅蒜苗更賣至超過90蚊人民幣,價錢飊升好幾倍呀~

武漢封城 肺炎 冠狀病毒Photo from 依佩Sylvie@微博

武漢封城 肺炎 冠狀病毒Photo from 依佩Sylvie@微博

武漢封城 肺炎 冠狀病毒Photo from 依佩Sylvie@微博

而喺香港,港鐵就指經與大陸鐵路單位溝通後,已即時停售所有往來武漢嘅高鐵車票。

武漢封城 肺炎 冠狀病毒Photo from shutterstock

之但係,依家正正臨近新年,啱少人早已離境與家人出外渡歲,唔通真正嘅爆發期會喺新年之後呀?

睇嚟大家今年都要戴番個口罩出門拜年安全啲喇!

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel