農曆新年可以去邊睇醫生？ 香港醫學會提供「醫訊通」供市民查詢就診資訊

面對武漢肺炎疫情日趨嚴重，農曆新年又周圍收晒爐，萬一唔好彩呢段時間有病究竟可以去邊到睇醫生？去公立醫院？分分鐘要排幾個鐘隊啊！香港醫生會就話，會提出「醫訊通」比市民查詢邊到有得求診。

近日武漢肺炎搞到全城人心惶惶，加上天氣忽冷忽熱，抵抗力較弱嘅人或者會較易中中招。嚟緊農曆新年長假期，香港醫學會就表示將會喺農曆新年期間（1月21-28日），提供「醫訊通」電話熱線90000-222-322，市民可以打電話查詢有咩地方可以求診。

Photo from shutterstock

市民除咗打電話外，亦可以上到香港醫學會網站瀏覽農曆新年期間各區開診醫生姓名同電話，同時亦呼籲各位市民應先打電話去診所預約。

Photo from shutterstock

香港醫學會指，喺農曆新年期間，最高有超過100位私人執業醫生登記應診，另外12間私家醫院門診部，以及各區公立診所亦會提供服務。

香港醫學會：www.hkma.org/medilink/namelist.htm