【武漢肺炎】正確稀釋漂白水方法你要知 話你聽有咩事前準備工作/步驟/注意事項

大家經歷過2003年沙士後，相信無咩人未聽過「1:99稀釋漂白水」呢個字眼。今個月全球爆發武漢肺炎，搞到好多人都人心惶惶，就等小編教大家正確嘅調校同使用稀釋漂白水步驟啦！

何謂漂白水?

首先同大家講吓漂白水功用先，漂白水係一種家居消毒劑，主要成分係次氯酸鈉，有效殺滅細菌、真菌及病毒。

Photo from shutterstock

稀釋漂白水準備工作

根據衞生防護中心所指，稀釋漂白水前先要打開門窗，令空氣流通。由於漂白水會刺激黏膜、皮膚同呼吸道，市民需要著上保護裝備，例如戴口罩、膠水套同護眼罩。

Photo from shutterstock

稀釋漂白水時必須使用凍水，因為熱水會令成分分解，失去功效。

稀釋漂白水步驟

以5.25%次氯酸鈉嘅漂白水為例，1:99稀釋家用漂白水指以10毫升漂白水混和於990毫升清水內，可用於一般家居清潔。

Photo from shutterstock

而1:49稀釋家用漂白水就係以10毫升漂白水混和於490毫升清水內，用於消毒染有嘔吐物、排泄物、分泌物或血液的表面或物件。

最好就用量杯準確量度所需漂白水份量，咁就唔會量錯比例。同時，大家要注意稀釋漂白水要避免喺金屬、羊毛、尼龍、絲綢、染色布料同油漆表面使用。

Photo from shutterstock

使用稀釋漂白水安全細則

1. 切勿觸摸眼睛

2. 如漂白水唔小心彈入眼，要立即用清水沖洗最少15分鐘，然後盡快求診。

3. 切勿將漂白水混合其他清潔劑使用，有可能產生化學作用導致意外發生。

4. 應放在小朋友不能觸碰的位置。

5. 漂白水成分會隨時間分解，最好購買近期生產嘅漂白水，唔好儲存過量，稀釋漂白水亦應喺24小時內使用。

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）