【口罩香港】預料本周四會有2至3千盒口罩到港 港九藥房總商會擬與區議員合作向全港免費派發

武漢肺炎疫情持績升溫，過去一星期出現市民搶購口罩潮，大排長龍又未必一定買到。港九藥房總商會表示，估計2月6日會有過千盒口罩到貨，向全港各區免費派發。

面對口罩貨源緊絀，港九藥房總商會副理事長張德榮早前喺電台節目上表示特區政府正在全球搜購，承諾貨源同藥房揾到相同製造商的話，將唔會重複搶貨。

Photo from shutterstock

今日張德榮表示，噚晚有口罩入口商通知，估計今個星期四(6日)會有2千至3千盒口罩供港，預計每盒有30個口罩。但由於數量唔多，以免市民通宵排隊，商會會出資購入口罩再免費派畀市民。

Photo from shutterstock

由於未能確實實際口罩數量，所以商會目前都唔可以決定每個市民可以取得幾多個口罩，但係希望可以喺全港18區派發，會於到貨後聯絡區議員。

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）