【口罩訂購】「最強口罩」理的口罩今星期四或之前送抵314間零售商!每盒口罩只售$43起!

【口罩訂購】「最強口罩」理的口罩今星期四或之前送抵314間零售商!每盒口罩只售$43起!

ByIvory on 04 Feb 2020

武漢肺炎疫情持續,市面上一罩難求,市民每日都要為買口罩而舟車勞動。有「最強口罩品牌」稱譽嘅理的喺自己官網表示,後日(2月6日)或之前會有口罩送抵港九新界,共314間零售商。最平只需$43起!

供應商「理的」星期六喺官網指因有零售商擔心名單公布後,會引起不必要嘅混亂,所以「理的」決定唔公開各大小零售商嘅地址。同時表示,佢哋嘅同事正係不眠不休咁安排送貨到各區,希望盡量喺2020年2月6日(星期四)前將貨送到各區零售商手中,盡解市民燃眉之急!每盒口罩大概$43-60蚊不等!

理的官網
Photo from 理的官網

理的官網
Photo from 理的官網

根據理的供應商發佈嘅各區零售商嘅數字顯示,觀塘(17間)、沙田(19間)、屯門(20間)有最多可以買到「最強口罩」嘅零售商!

理的官網
Photo from 理的官網

廣告
廣告

睇番佢之前公開嘅資料(更新至2019年4月)話,零售點分別有:萬寧、屈臣氏、 惠康、 華潤、 卓悅化妝品店、SA SA莎莎化妝品店、VanGo、Circle K、千色店(嬰兒部)、卓思廊復康用品專賣店、教協、HKTV Mall 及 各大藥房、藥行等。但就冇指名邊間分店至有,大家可能要花少少時間查詢喇!

理的官網
Photo from 理的官網

早前嘅消委會測試顯示,理的Ultra Ready外科手術口罩濾菌率超過99.9%,隔絕到大部分嘅細菌咖!

今日亦都有唔少公司話有口罩派發/供應,例如東瀛遊(派3000個兒童口罩)、卓悅、莎莎等,希望大家都買到口罩啦!

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

 

HolidaySmart 假期日常長期歡迎大家投稿~我哋會為你開一個個人帳戶作發表文章之用。文章類型包括美食、旅遊、玩樂等同HolidaySmart 假期日常相關既事物~投稿可以傳送到 holiday@presslogic.com比小編檢查一下先,記住要附上100字內自我簡介。 另外文章一經採用,編輯將會進行潤飾。期待你哋既大作啊!
👉🏻 即刻Follow我哋Instagram holidaysmart.hk
Share to Facebook