【北海道住宿推介】真魔雪奇緣！北海道全新打卡滑雪酒店Aman Niseko　最快2023年開幕

一到冬天唔少人必定會做嘅事一定係去滑雪。唔知大家今年有冇去呢！？

而喺日本依個香港熱愛嘅滑雪勝地北海道嘅二世谷嚟緊就會有新酒店開幕喇！

日本著名連鎖酒店商Aman，早前就宣佈將喺北海道二世谷開設一間名為「Aman Niseko」的度假酒店。

度假酒店仲會位於二世谷藻岩山的原生態自然保護區內，保護區中絕美嘅雪景就如同仙境一樣，令人流連忘返。

酒店佔地面積187公頃，以傳統日式旅館風格設計，30間客房均設有落地窗及玻璃門，係日本首個全面水療養生度假村。

酒店內設有私人風呂湯池、溫泉等設施，而客房中亦設有開放式壁爐，一年四季都適合居住。是自然風景中凝神靜心嘅殿堂，畀客人提供全面嘅日式款待體驗。

另外，仲有完善嘅水療設施，包括單人和雙人護理室、休息室、放鬆艙、芬蘭浴、Watsu水療房、冷泡池、蒸氣浴、土耳其浴、體驗式淋浴和溫泉湯池等等。

大家喺享受小型室內泳池或水中健身池時仲可以俯瞰室外除住季節流轉嘅絕美風光。

Aman Niseko預計於2023年開幕，大家記得唔好錯過喇～

Source：AMAN

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）