【武漢肺炎】患腎病婆婆無口罩戴 巴士乘客隨即籌集口罩 中年大叔:「我哋大家都唔准死！」

武漢肺炎疫情升溫，全球各地市民紛紛蜂湧到各地點排隊買口罩同消毒藥品，奈何物資完全唔夠需求，導致社會上有唔少人依然係口罩存貨量不足，甚至有人無口罩戴。

Facebook專頁反虎媽俱樂部Anti-Tiger Mom Club今早發文，分享一則由朋友返工途中嘅所見所聞。

事源喺巴士入面，一對母女 (婆婆同中年婦女) 二人無戴口罩，有乘客忍唔住出聲提醒：「外出要戴口罩啊婆婆。」

Photo from shutterstock

中年婦女表示買唔到口罩，隨即有人話「無口罩就唔好出街」。而該名婦女不斷道歉，並話要帶有腎病嘅媽媽去醫院洗腎。一眾乘客：「嘩！醫院！」並馬上彈開。

期間有人不斷話該對母女零保護出入醫院非常高危，有人又問「醫院唔派嘅咩？」喺你一言我一語嘅時候，一位中年大肚腩男子喺隨身袋中拎出用密實袋包裝嘅口罩：「我預多咗一個一陣夜更替換，送畀你！」

Photo from KMB九巴專頁

另外有手挽買餸籃師奶亦掏出一個口罩表示：「你媽有，你都要一個，否則是但一個感染都唔掂。」

巴士上有唔少人一人拎一個口罩出嚟，好快中年婦女手上已經堆滿十幾個口罩，女人連番答謝。一眾乘官都話「我用少一個唔洗死」、「香港人、守望相助」等，令到母女同版主朋友非常感動。

Photo from shutterstock

原文如下：

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）