HKTVmall為入貨口罩尋遍東南亞 3日搭5程機採購口罩睇埋生產商廠房

Digital Editor

全城搶購口罩，度度都唔夠貨，不過喺「一罩難求」情況下，都仍然見到香港人互相幫助。

好似《東張西望》訪問排唔到口罩嘅伯伯咁，當晚區議員就上門送口罩比佢，仲有誠哥、深水埗明哥等善長派口罩。

之前最強口罩理的口罩就宣布會喺HKYVmall開賣口罩，其實HKTVmall都為入貨四圍撲口罩呀！

Photo from HKTVmall Facebook

之前HKTVmall就話口罩會喺2月3號開始陸續返貨，今日更公開同事搵口罩嘅過程。

Facebook指同事兵分幾路，直飛多個東南亞國家同生產商見面，希望搵到大量同穩定供應嘅貨源。

Photo from HKTVmall Facebook

其中有兩位同事拜訪當地一間口罩生產商，並約好第二日去參觀廠房。結果第二日連續去咗2間廠商嘅廠房參觀，確保口罩質素。

Photo from HKTVmall Facebook

唔好彩嘅係，最後一日兩張機票唔知點解被人取消咗，搞到喺機場折騰幾個鐘，最終要買飛另一國家再轉飛香港嘅機票先返到香港。

喺三日兩夜，兩位同事一共搭咗5程機，好消息係HKTVmall已經確認之後嘅供應量，但因為一啲無法控制嘅因素，所以暫時預告唔到幾時返到貨。

Photo from HKTVmall Facebook

香港人有愛！希望大家都有口罩用喇！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

【想隨時隨地緊貼本地食買玩資訊？】

👉🏻 即刻Follow我地Instagram holidaysmart.hk

👉🏻 訂閱我地 Youtube Channel

HKTVmall為入貨口罩尋遍東南亞 3日搭5程機 採購口罩睇埋生產商廠房