download HolidaySmart 假期日常 app
【武漢肺炎】江華仔仔無私自願入隔離病房照顧病人 江華:以仔仔為榮!呢個係佢嘅專業

【武漢肺炎】江華仔仔無私自願入隔離病房照顧病人 江華:以仔仔為榮!呢個係佢嘅專業

時事熱話 生活熱話 娛樂新聞
By Charlotte on 06 Feb 2020
Editor

江華嘅大仔Bryan喺2017年加入醫療界,喺大埔拿打素醫院任職護士。武漢肺炎肆虐,Bryan更加為咗照顧病人而自願入隔離病房。令身為爸爸嘅江華十分引以為榮:「這是他的專業,我要支持他的做法。」

江華4

對於仔仔自願入隔離病房,江華接受傳媒訪問時提到自己並不太擔心,更稱仔仔只係盡自己本份,做應該做嘅事,就好似上戰場嘅士兵一樣,會祝福他!「從小我哋都教導子女,助人為快樂之本。」

江華7

由於喺醫院工作,傳染度極高,Bryan返屋企之後會即刻自我隔離,江華受訪時指:「依家仔仔一返到屋企都會即刻沖涼,然後就入房同我哋隔離,食飯都係分開食。」

江華3

由於Bryan嘅工作係輪班制,更曾經日接夜、夜接日,直接喺醫院休息完又再直接開工,見面時間亦減少許多。

江華亦有指出,有時仔仔返到屋企都只係匆匆見一面,仔仔為咗屋企人嘅安全著想,更要求佢哋同自己要保持一定距離。江華表示:「因為我明白,呢個係佢嘅專業,我要支持佢嘅做法。」

江華2
Bryan入護士呢行之前嘅考慮因素,更係以養活屋企人為前提,認為唔會丟爸爸江華嘅面:「我會諗呢份工究竟可以做幾耐?可唔可以養屋企人,可唔可以提供足夠條件畀我結婚?我不求發達,因為根本不切實際,希望夠食已可以了。」

江華5

Text: HolidaySmart Editorial

Photos from: Facebook, Weibo

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel