download HolidaySmart 假期日常 app
【武漢肺炎】光榮冰室斥資$45萬購入30萬個口罩派發 自由訂價每人限取10隻

【武漢肺炎】光榮冰室斥資$45萬購入30萬個口罩派發 自由訂價每人限取10隻

時事熱話 生活熱話 健康資訊
By Jennifer on 07 Feb 2020
Digital Editor

新型肺炎來勢洶洶,全城大搶防疫用品,每日都有人排長龍買口罩

但依家一罩難求,就算有都係天價,令長者、弱勢社群都好難買到口罩。

不過危機下仍有溫情,好似龍門冰室尖沙咀店就暫緩開業,為嘅就係用嚟做物資站。

光榮冰室之前就推出戴口罩減$5嘅措施,今次更派發口罩。

光榮冰室之前就推出戴口罩減$5嘅措施,今次更派發口罩。Photo from 光榮冰室 Facebook

光榮冰室於Facebook公佈最近自資$45萬,購入30萬個印尼口罩,口罩符合PFE、BFE及VFE標準,將於光榮冰室派發。

光榮冰室於Facebook公佈最近自資$45萬,購入30萬個印尼口罩,口罩符合PFE、BFE及VFE標準,將於光榮冰室派發。Photo from 光榮冰室 Facebook

佢又指留意到有部分基層市民未必能夠負擔口罩費用,所以決定自由訂價,每人限取10隻:「有能力就入錢於貼士箱,箱內貼士將會用於下批口罩費用。如果情況不許可下,請不要尷尬,我送給你們。」

光榮冰室留意到有部分基層市民未必能夠負擔口罩費用,所以決定自由訂價,每人限取10隻Photo from 光榮冰室 Facebook

另外有一部分口罩將會特定派發俾長者同醫療組織,希望可以幫佢哋對抗疫情。

店家更特意聲明不接受炒家:「有人出100萬買我都唔賣」

光榮冰室指有一部分口罩將會特定派發俾長者同醫療組織,希望可以幫佢哋對抗疫情。Photo from 光榮冰室 Facebook

派發詳情如下:

今日下晝4點,將於深井售出/派發10000個口罩,每人限取10隻,請自備密實袋;下晝5點喺荃灣售出/派發50000個口罩,同樣每人限取10隻,請自備密實袋。

而且領取時,需要身分證三星。

光榮冰室派口罩詳情,而身分證3星Photo from 光榮冰室 Facebook

香港人真係好有愛!!!

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel