download HolidaySmart 假期日常 app
【武漢肺炎】已喺深圳/廣州開始採用!科大成功研發新病毒檢測技術 檢測時間可縮短至40分鐘

【武漢肺炎】已喺深圳/廣州開始採用!科大成功研發新病毒檢測技術 檢測時間可縮短至40分鐘

時事熱話 生活熱話
By Celia on 07 Feb 2020
Digital Editor

武漢肺炎殺到,政府防疫措施不足,全城口罩難求,不少人更因為口罩問題而唔敢出門。

而盡快發現患者是否受染係抗疫關鍵之一,有助加快隔離同治療,防止疫情擴散!

早前香港科技大學研究隊伍就成功研發咗一部針對新型冠狀病毒嘅檢測儀,有效將原本需要1.5–3小時嘅檢測時間縮短至 40 分鐘。

武漢肺炎 科大Photo from shutterstock

而且設備操作簡單,研究員解釋指儀器採用與流感快速篩查相同方式,用快篩試紙到鼻腔取樣,然後放入分析儀檢測即可知結果。

研究隊伍被問到試劑準確率時指,檢測只要收集如鼻黏液樣本嘅技術及操作程序合乎標準嘅話,準確率基本上可達100%。

武漢肺炎 科大Photo from ust.hk

不過,佢哋強調假若收集樣本中嘅病毒量不足,或操作期間樣本有出現交叉感染嘅情況,則可能未必達至100%準確率,因而導致假陽性或假陰性嘅情況出現。

武漢肺炎 科大Photo from ust.hk

現時儀器已開始喺深圳同廣州疾控中心採用,而研究團隊所屬嘅科技公司指未知香港幾時可以應用,但如果有醫療機構希望採用此儀器,最快一日內就可以從深圳運抵香港。

武漢肺炎 科大Photo from ust.hk

 

另外,科大物理學教授溫維佳指佢哋已準備好1萬份測試劑,並向武漢、廣東及深圳等地各提供1,000份測試劑。若有需要,亦可於幾日時間完成有效生產相關試劑使用。

Text: Holiday Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mailholiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel