【武漢肺炎】居深圳武漢男微博教人入境日本 「答沒有去過湖北就好了！」
2月起，日本禁止持有湖北省發出嘅護照，而及14日內曾經去過湖北嘅旅客入境。不過早前就有一位喺深圳居住嘅武漢人喺微博發文教人入境日本。
呢位網民表示，最近要去東京參展，護照出生地係湖北，而簽發地係廣東，不過今次竟然可以通過日本海關順利進入日本國境內。同時叫大家唔洗擔心，表示日本人對於中國態度極為友好，只係禁止簽發地係湖北嘅護照，而出生地則不受影響。
Photo from 微博
唔單止咁，佢仲話過關時有一個專畀湖北簽證嘅特殊通道，但由於自己拎嘅係廣東簽證，所以可以直接排隊過關。而過關時會有一張紙，上面問「你是否14天內去過湖北」，網民表示「反正你都答沒有就好了。」
Photo from 微博
呢位網民發文後，引嚟大批網民鬧爆，有人話：「你知道日本有多少中國同胞麼？你這樣出來害人好麼？」、「把整個國家的臉丟盡了」。
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
