【武漢肺炎】李施嬅上門派口罩俾公公婆婆：街上有一個人病，其實自己都會危險。

雖然香港正面對武漢肺炎疫情，但難得嘅係香港人有愛，有好多善心人都願意捐出防疫物資。

好似馬浚偉、甘比、何超蓮等。又有中大、理大自製酒精搓手液。

【武漢肺炎懶人包】：
香港確診名單｜家居檢疫名單｜病徵｜潛伏期｜口罩供應｜退機票｜房網退訂｜家居消毒

李施嬅之前就喺IG表示本來去加拿大探親前訂咗大批口罩，希望可以送俾有需要嘅公公婆婆。但口罩一直顯示運送中，都未到：「已經3個禮拜前訂了。現在都回到香港了。看來也不會到。」

Photo from 李施嬅IG

佢話：「很心疼，很無助。好想可以做些什麼去幫有需要的人，但已經不是我能力上能幫到的事，也不是用錢能解决的事。每天看著醫務人員努力去抗爭疫情，也看著大家努力求生，自己什麼都做不到。」

佢琴日就post出自己去屋邨探訪老人家嘅相，原來施嬅屋企有十幾個N95口罩，希望趁今日做義工可以派口罩俾公公婆婆，順便將自己嘅存貨都送埋一份。

Photo from 李施嬅IG

Photo from 李施嬅IG

佢又指：「希望大家都團結，不送口罩出去都不要加價。街上有一個人病，其實自己都會危險。大家都是搭同一條船。每一個人都要健健康康，香港才會好。」

Photo from 李施嬅IG

不過有網友發現，施嬅嘅N95口罩係工業用，唔係醫用N95。但都多謝佢一番心意。

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）