download HolidaySmart 假期日常 app
不明疫症!患者48小時內死亡 非洲尼日利亞爆神秘傳染病 不足一週已逾百人受感染

不明疫症!患者48小時內死亡 非洲尼日利亞爆神秘傳染病 不足一週已逾百人受感染

時事熱話 生活熱話 健康資訊
By Celia on 11 Feb 2020
Digital Editor

新型肺炎(武漢肺炎)疫情正肆虐全球,不少國家都有確診個案,單單疫情嘅起源地中國嘅確診個案已突破4萬宗,死亡個案亦逾千宗,

不過喺依個人人自危嘅時候,就有報導指喺非洲尼日利亞正爆發一場不明疫症,依個病可以不足一個星期造成過百人感染,其中更有15名患者喺染病後48小時內死亡。

可謂一波未平,一波又起呀!

尼日利亞 不明傳染病Photo from shutterstock

根據外國傳媒報導尼日利亞參議員嘅消息,尼日利亞當地截至上周,不足一星期已有至少104人感染依種神秘傳染病,死者染病後2天內便會不治死亡。

而首宗病例出現於首都阿布賈東南方嘅貝努埃州。受感染患者均有嘔吐、浮腫及腹瀉等徵狀。

尼日利亞 不明傳染病Photo from shutterstock

另外,報導中衛生部長Osagie Ehanirebiao就指出,患者並冇出現潛在喺西非嘅致命病毒:埃博拉(伊波拉)、拉薩熱等症狀,同時相信同近日全球肆虐嘅新型肺炎無關。

當地疾控中心已啟動一項應急行動,並懷疑此病係由捕魚嘅化學物引致。

尼日利亞 不明傳染病Photo from shutterstock

此外,國會亦已要求政府盡快派專家到疫源地調查,並建立監察措施,防止疫情繼續散播。

除咗依種神秘傳染病之外,尼日利亞同時亦受新冠肺炎疫情的陰霾籠罩。當地衞生局指,政府已吸取2014年應對伊波拉病毒嘅經驗,做好應對新冠肺炎嘅防疫措施。

尼日利亞 不明傳染病Photo from pinterest

當局更派出30名衞生局人員到各港口加強防疫,呼籲民眾勿散播假消息。

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

 

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel