【武漢肺炎】杜汶澤送10000個口罩予長康邨 助無口罩公公婆婆保護自己

武漢肺炎爆發，青衣長康邨疑因糞渠排氣管引致病毒散播。

衞生署緊急疏散大廈居民，並送往隔離營。

【武漢肺炎懶人包】：
香港確診名單｜家居檢疫名單｜病徵｜潛伏期｜口罩供應｜退機票｜房網退訂｜家居消毒

琴日新增一宗確診感染個案，而呢位確診者同第12宗武漢肺炎確診個案一樣住喺青衣長康邨康美樓。

雖然唔同樓但係同一單位，初步懷疑疑兩個07室單位共用糞渠，唔排除排氣管散播病毒。

衛生署連夜疏散康美樓所有同患者住同一座同一單位嘅人士。但同邨嘅其他居民都人心惶惶。

杜汶澤琴日就喺Facebook表示攞到2萬隻口罩，免費派俾醫護同家屬。

今日佢收到第二批貨，決定即刻送10000隻口罩比琴晚爆發武漢病毒嘅長康村！

佢話：「全速前往長康村老人中心！放低1500個，再去工場分拆再包裝！Go Go Go !!!!!!」

好人一生平安！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）