【武漢肺炎】HKTVmall口罩機Filter到貨 足夠整超過100萬個口罩！

香港人難買口罩，好多好心人都努力為大家撲口罩。

而王維基旗下嘅HKTVmall更買埋口罩機，諗住自製口罩。

【武漢肺炎懶人包】：
香港確診名單｜家居檢疫名單｜病徵｜潛伏期｜口罩供應｜退機票｜房網退訂｜家居消毒

幾經辛苦，HKTVmall終於以20萬美金買到口罩機！

雖然佢話有好多因素要考慮：「我哋唔知道外國政府會唔會停止機器及原材料嘅出口，而我哋本身又無防污染廠房 (Clean room)嘅專業知識，又唔知可唔可以攞到實驗實認證⋯就喺呢個飛去廠睇 Demo 機但部機都被人賣咗，買到部機又唔知送唔送到過嚟，假如送到過嚟又唔知搞唔搞得掂間合資格廠房嘅情況之下，處處充滿住超多不明朗因素。但 R 小隊堅持，香港人係永不放棄嘅！只要堅持，我哋相信，所有問題都有解決嘅辦法。」

而今日，HKTVmall再宣布距離香港製造口罩行近一大步。

原來一個口罩有三層構造，外層係防水不織布，阻隔飛沫同大粒粉塵、裡面嗰層係另一種比較柔軟嘅不織布，吸水並令面部皮膚更舒適。

仲有：「最重要亦係最難訂嘅係中間嗰層 Filter，作為屏障阻擋病菌。」

而最難訂嘅中間嗰層Filter已經到貨，更足夠整超過100萬個口罩添！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）