【日本口罩】促增產解決口罩荒　日本預計下週起每星期可供應1億個

新冠肺炎（武漢肺炎）疫情持續，其實唔止香港出現口罩短缺嘅情況，而係全球多個國家都有出現咁嘅情況。

【武漢肺炎懶人包】：
香港確診名單｜家居檢疫名單｜病徵｜潛伏期｜口罩供應｜退機票｜房網退訂｜家居消毒

除住台灣、韓國、泰國都宣布限制/禁止國家出口時，日本就除即成為大家搶口罩嘅地方。

日本之前大部分口罩都係由中國入口，可是受到疫情影響，日本亦有出現口罩嚴重缺貨，民眾一罩難求。

據日本《ANNnewsCH》報導，日本政府有見及此，為咗早日解決口罩荒，決定與機構合作增產口罩，促請日本國內工場改用24小時生產制度等加速生產。

尋日，日本菅官房長官就指以現時嘅加速生產情況，預計下週起每星期可供應1億個口罩，希望可以解決口罩短缺問題。

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）