旺角黑心藥房以生理鹽水標榜為消毒鹽水出售！網民狠批：奸商！

市面上無論口罩、就連消毒清潔用品都嚴重缺貨。近日有黑心藥房出售生理鹽水，訛稱可清潔消毒，更標明適用於洗手、清潔、拖地及消毒，但生理鹽水只是用作沖洗傷口，對殺菌完全沒有幫助。

柏雅動物診所於Facebook發文分享指，旺角區有藥房以生理鹽水標榜為消毒鹽水出售，聲稱可以洗手、清潔、拖地及消毒。不過柏雅動物診所就表示，「生理鹽水只係無菌的溶液，一般用於沖洗傷口或身體各部份，不可能殺滅任何細菌病毒， 對家居清潔更加係冇幫助！」，更笑指：「真係第一次聽用生理鹽水嚟拖地！」。

Photo from prayaac@FB

帖文引起網民熱議，留言批評商店是無良奸商。網民都紛紛留言指：「佢咁樣係呃啲老人家騙」、「好多人見到消毒兩個字已經會撲埋去，價錢仲要平咁多！真係害死人！」、「奸商！一陣啲公公婆婆誤信為真買咗返去當消毒，真係害死人」。

Photo from shutterstock

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）