【香港口罩】王宗堯預告孖波友派發口罩　強調：絕對唔係CSI

武漢肺炎（新冠肺炎）肆虐下，口罩可以話係一罩難求。

不過依個一罩難求，並唔係完全冇貨，而喺有唔少商店索取天價，發國難財，令唔少基層/弱勢社群好難買到～

【武漢肺炎懶人包】：
香港確診名單｜家居檢疫名單｜病徵｜潛伏期｜口罩供應｜退機票｜房網退訂｜家居消毒

幸好香港仲有唔少有善心人士出心出力，為香港有需要人士送產防疫物資。

而依日藝人王宗堯就喺Facebook預告將會派發口罩。

Photo from gregory wong 王宗堯

王宗堯上傳咗3張照片佢同3個好友齊齊搬運口罩嘅相，仲喺帖文指：「一隊波。可以好好朋友，也不用唱#朋友嘅」，並hashtag「#做正事」、「#口罩」、「#我地啲口罩絕對唔係CSI」等標籤。

Photo from gregory wong 王宗堯

王宗堯表示自己同幾個團體合作成功買到一批口罩，遲啲就會安排喺唔同嘅社區派發。

Photo from gregory wong 王宗堯

而佢強調因為現時仲有好多香港人因為冇口罩而需要排隊，所以這次嘅活動會喺一啲未有人派過口罩嘅地區舉行，希望啲口罩可以派到畀啲真正有需要的人士。

Photo from gregory wong 王宗堯

但因為佢今次係聯同幾個團體合作，所以有關今次活動嘅詳細安排就要等佢哋開會商討好細節之後先可以再作公佈。

有心唔怕遲，好心一生平安幸福！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）