日本城先後供應6萬8千個口罩畀九巴　24小時運作需大量口罩

面對武漢肺炎，唔少行業嘅口罩存貨不足，包括清潔工等。

有唔少好心人為唔夠口罩嘅人士送上口罩。亦有商店日日都返貨口罩出售。

【武漢肺炎懶人包】：
香港確診名單｜家居檢疫名單｜病徵｜潛伏期｜口罩供應｜退機票｜房網退訂｜家居消毒

好似日本城咁，經常返貨消毒用品，務求可以提供畀有需要人士。

而除咗清潔工人外，其實巴士司機都好需要口罩！

九巴就喺Facebook表示九巴每日24小時運作，員工需要嘅口罩用量非常大！

好彩有日本城先後供應咗近68000個口罩畀九巴：「真係好感激佢地呀！九巴亦衷心感謝各界友好幫忙揾口罩，每一個幫助都令到前線員工可以更安心工作??‍♂！」

九巴指現有口罩數目仍然非常緊絀，後勤同事努力從唔同渠道，包括直接與供應商及分銷商聯絡，全力搜購口罩，確保每位員工都有適當嘅保護。

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）