芬蘭環境研究指武漢肺炎爆發使中國停工 2星期內碳排放減少1億公噸

武漢肺炎疫情喺中國大規模爆發，多國均對中國採取「封關」措施。

而內地多省亦實行「封城」，減低爆發疫症風險。

【武漢肺炎懶人包】：
香港確診名單｜家居檢疫名單｜病徵｜潛伏期｜口罩供應｜退機票｜房網退訂｜家居消毒

芬蘭能源與清潔空氣研究中心（CREA）日前發表報告指中國喺過去兩星期嘅碳排放量減少咗至少1億公噸。

武漢肺炎自爆發以嚟，多省停工停學，連農曆新年假期後復工亦延遲。

報告指控制疫情嘅停工、封城等措施令各個產業部門生產值減少15%～40%。

疫情令發電量同鋼產量下跌至幾年嚟新低，同時對煤炭同石油嘅需求亦相對減少。

過去兩個星期本為新年後嘅復工時期，但因為武漢疫情，減少咗中國4分之一或以上二氧化碳排放量，約等於舊年同期全球碳排放量嘅6%。

不過有環保人士警告，碳排放減少只係特殊時期現象，一旦政府採取振興措施，咁到時碳排放可能會急升。

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）