《屍殺列車》續集海報公開！導演指後悔寫死孔劉 續集香港將成關鍵支援

韓國喪屍片《屍殺列車》非常賣座，2016年暑假上映4天即超越《我的野蠻女友》保持14年嘅紀錄，成為「香港史上最賣座韓片」。

相隔4年，續集《屍殺半島》(Peninsula)》亦將會喺暑假上映。

《屍殺半島》故事同樣設定喺《屍殺列車》4年後，上集列車駛往釜山後，喪屍病毒瞬間全國爆發，4年後韓國屍毒遍野，被全球孤立，淪為死城。

所餘無幾的生還者踏上最後一艘難民船，離開被世人遺棄的朝鮮半島。

而續集中，香港更係其中一個關鍵！香港喺呢場喪屍病毒中，扮演咗關鍵嘅支援作用。

姜棟元飾演嘅退伍軍人正錫同家人登上難民船，但一上船就發現喪屍潛伏，幸得香港收容，呢批韓國人島得以上岸，以「半島難民」身分在香港重新生活。

但正錫受唔住金錢誘惑，加入一個回國竊取巨額美金嘅行動。佢同隊友重返韓國，竟然發現仲有一班未受屍毒感染嘅人掙扎求存，正錫決定帶呢班倖存者逃生......

之前《屍殺列車》嘅導演延尚昊喺節目表示無諗過《屍殺列車》會咁成功，如果唔係一定會諗辦法救返孔劉，今集雖然無孔劉，但亦有韓國另一型男姜棟元參演！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）