download HolidaySmart 假期日常 app
經濟艙都可以瞓得舒服?!唔再係頭等專利 紐西蘭航空首創Skynest空中膠囊體驗

經濟艙都可以瞓得舒服?!唔再係頭等專利 紐西蘭航空首創Skynest空中膠囊體驗

旅遊攻略 旅遊新聞 Hotel酒店推薦
By Celia on 02 Mar 2020
Digital Editor

香港人鐘意去旅行就係人都知。

有時想去遠啲嘅地方玩,但又怕坐經濟艙又迫又唔舒服,仲要搭超過10個鐘頭嘅機程,成日搞到腰酸背痛,一落機肯定冇精神即刻去玩。

咁點算好?!

今次就有個好消息分享畀大家,嚟緊坐經濟艙都可以有覺好瞓喇~

紐西蘭航空 空中膠囊Photo from Air New Zealand

事關早前紐西蘭航空就宣佈即將喺經濟艙推出首創Skynest空中膠囊。

紐西蘭航空 空中膠囊Photo from Air New Zealand

依個Skynest空中膠囊係紐西蘭航空與奧克蘭Hangar 22創新中心經過3年研究所得出嘅成果,佢哋指研發過程中,為咗令旅客可以喺經濟艙都得到全面嘅休息,一共收集咗超過200名乘客嘅意見。

Skynest空中膠囊模擬裝置,提供6個超過200cm嘅平躺床位,床位中備有舒適嘅枕頭、床單與毛氈,還有窗簾確保使用者嘅私隱,致力讓唔同嘅旅客都可以享受到最舒適嘅體驗。

紐西蘭航空 空中膠囊Photo from Air New Zealand

不過暫時Skynest空中膠囊就仲未正式推出,設置喺經濟艙邊個位置及喺咩情況下可以使用就仲未確實。

紐西蘭航空指正式推出時間就要視乎將會喺10月推出嘅來往奧克蘭至紐約嘅直飛航線(飛行小時長達17個鐘)嘅業績而作出決定。

其實一架機咁多人, 只有6個床位,成功搶到嘅機會又有幾多呢?!

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mailholiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel