將感染機會減至最低！Twitter再加強疫情防範措施　下令港日韓3地員工必須Work From Home

武漢肺炎（新冠肺炎）疫情持續，唔少公司都為咗減低員工被感染嘅風險，而改推Home Office在家工作措施，令員工可以毋須回公司上班。

目前疫情仲未完全受控，但喺依個星期香港已有唔少公司陸續取消Home Office機制，而政府部門亦已開始復工。

【武漢肺炎懶人包】：香港確診名單｜家居檢疫名單｜病徵｜潛伏期｜口罩供應｜退機票｜房網退訂｜家居消毒

但社交平台Twitter喺美國嘅總公司就強烈建議全球逾5,000名員工留喺家中工作，當中疫情較嚴重嘅港、日、韓三地員工更必須Work From Home。

Photo from shutterstock

早前Twitter為防範新冠肺炎疫情，就宣佈取消晒所有非必要嘅公幹及活動，直至世衛或美國疾病控制及預防中心宣佈疫情緩和，或有針對性疫苗推出為止，減低員工與合作夥伴因接觸而受感染或傳播嘅風險。

Photo from shutterstock

不過日前佢哋又再宣傳加強防疫措施，據Twitter人事部主任Jennifer喺公司網誌中表示，由即日起強烈建議全球逾5,000名員工留喺家中工作，特別係疫情較嚴重嘅香港、日本、韓國依3個地方嘅員工必須在家工作，將感染或傳播嘅機會減至最低。

Photo from shutterstock

另外，佢哋指深知有部分員工嘅工作崗位並唔適合依個「work from home」措施，或有工作需要而使用office，故辦公室仍會開放畀員工使用。

Photo from Twitter

同時亦會請有關嘅部門同事，替全公司所有工作空間進行全面清潔消毒，確保員工健康及安全。

Source：Twitter

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）