古天樂搜羅130萬個口罩已陸續送達不同社福機構！分派畀各個群體有需要人士

武漢肺炎來勢洶洶，市民為抗疫紛紛戴上口罩，但口罩供不應求。

幸好香港人仲有一班有心人，喺世界各地搜羅口罩，捐畀有需要人士。

【武漢肺炎懶人包】：
香港確診名單｜家居檢疫名單｜病徵｜潛伏期｜口罩供應｜退機票｜房網退訂｜家居消毒

好似古天樂咁，佢名下酒樓喺逆市下雖暫停營業，但仍堅持畀員工放有薪假。

Photo from 古天樂Facebook

而古天樂慈善基金宣佈喺全球搜羅咗130萬個外科口罩，將經由社福機構等捐畀18區有需要人士。

Photo from 古天樂Facebook

呢個星期，古天樂慈善基金搜羅嘅外科口罩已陸續送達唔同嘅社福機構。

其中有協助肺積塵病患者嘅肺積塵互助會合共收得3000個口罩，將會贈予病患者！

Photo from 肺積塵互助會Facebook

為腦癇症患者服務嘅香港啟迪會亦收到古天樂慈善基金捐出嘅2500個口罩，口罩將會陸續轉贈到會員、照顧者及義工手中。

Photo from 香港啟迪會Facebook

仲有南亞路德會家庭網社會服務中心，收到古天樂慈善基金捐出3000個口罩，派發畀大埔區內劏房戶及低收入家庭。

Photo from 南亞路德會家庭網社會服務中心Facebook

見到古天樂慈善基金嘅口罩惠及不同階層嘅有需要人士，真係好感謝香港嘅有心人！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）