瞓住嚟賺錢！英國窗簾公司聘睡覺專員　瞓1個月最高可賺2.4萬英鎊

香港人生活忙碌，成日會出現唔夠瞓嘅情況。唔少打工仔更會喺食完晏之後，爭取小小時間補眠吓。

但如果有一份可以一邊瞓覺一邊賺錢嘅工，大家又點睇呢？！

最近喺英國就有一間窗簾公司Hillarys，喺網上進行招聘喜歡瞓覺嘅打工仔，任職「睡覺專員」。

Photo from Hilarys

Hillarys早前喺其官網中公開招聘廣告，直言佢哋正搵緊睡覺專員進行睡眠實驗。

Photo from Hilarys

佢哋喺簡介中指該實驗主要研究光線及聲音如何破壞睡眠質素，佢哋會用遮光窗簾及唔同變化嘅光線/聲音進行實驗，受聘者只需喺睡眠期間佩戴睡眠監測設備及填寫問卷調查，令Hillarys了解喺唔同嘅狀況下如何影響睡眠質素。

Photo from shutterstock

另外，佢哋亦喺招聘中提到，依個職位嘅月薪最高可達2.4萬英鎊，包含旅行費用。

而目前專員嘅工作時間只需15天，所以按比例計算，受聘者將獲得為期15天嘅薪金（當中未包含旅費），即約1,428英鎊。

不過日數長短亦係一個未知數，因為公司表示實驗時間有可能會需要延長。

Photo from Hilarys

依家已經可以喺官網報名，截止日期為4月9日23:59 （英國時間），次日4月10日即公布結果，被受聘者將需要到英國諾丁漢 （Nottingham）Hillarys辦公室進行睡眠實驗。

Source：Hillarys、Gloucestershirelive

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）